Bruksel, Vuçiç: Nuk jemi afër zgjidhjes…

Presidenti i Serbisë, Aleksandar Vuçiç pas takimit me presidentin e Kosovës, Hashim Thaçi tha se bisedimet ishin komplekse por largë zgjidhjes me kompromis. Sot, tha ai, janë dy gjëra për të cilat kemi rënë dakord

“Është arritur marrëveshja që bisedimet të vazhdojnë në mënyrë që të gjendet një emërues i përbashkët i zgjidhjes me kompromis dhe të ruhet paqja dhe stabiliteti në marrëdhëniet mes Beogradit dhe Prishtinës,” tha Vuçiç ndërkohë i pyetur nëse do ta pranoj pavarësinë e Kosovës, ai u shprehë:

“Pikërisht këtë lloj të bisedimeve zhvilloj për çdo ditë, a do të arrijmë kompromis, si do të ishte zgjidhja me kompromis… Zgjidhja e vetme me kompromis që na ofrojnë të gjitha palët politike kosovare, në veçanti Hashim Thaçi dhe të tjerët, është vetëm pranimi i pavarësisë së shtetit të Kosovës. Kjo nuk funksionon kështu,” tha Vuçiç duke shtuar se duhet të ulemi dhe që të dyja palët ti themi qytetarëve tanë se duhet të arrijmë zgjidhje kompromisi për shumë çështje të rëndësishme.

I pyetur për hapat e mëtejmë që ai pret për dialogun, Vuçiç tha se kjo është një pyetje e vështirë, e përgjigja edhe më e komplikuar sepse situata është e tillë, meqë kemi t ëbëjmë me një problem I cili ekziston që 150 vjet.

“Por a keni të drejtë ti ndërpreni bisedimet dhe të gjitha t’ia leni emocioneve që ta zgjidhin dhe të marrin gjithçka përsipër, mendoj se nuk keni të drejtë. Për këtë arsye Serbia është e vendosur që të vazhdoj bisedimet dhe kur të përcaktohen ato, do të vazhdojmë me besimin dhe qëllimin e mirë që të vijmë deri tek zgjidhja,” tha presidenti i Serbisë, Aleksandar Vuciç duke përfunduar:

“A do të arrijmë deri tek zgjidhja, që mund ti ofrojmë shoqërive tona një zgjidhje, këtë do ta shohim – nuk jemi afër një zgjidhje të tillë!”