BSH: Mbahet e pandryshuar norma bazë e interesit! Kë gënjen Guvernatori?!
Këshilli Mbikëqyrës i Bankës së Shqipërisë vendosi sot të mbajë të pandryshuar normën bazë të interesit në 2.75%, për të dytën mbledhje radhazi, tha pas mbledhjes Guvernatori Gent Sejko por nuk kuptohet se kujt ia bënë të ditur këto vendime kur asnjë bankë e nivelit të dytë nuk i përfill këto vendime!
Pas mbledhjes së Këshillit Mbikëqyrës, Guvernatori Gent Sejko e argumentoi këtë vendim me faktin se të dhënat e muajve të fundit dhe kryesisht ato të lidhura me inflacionin kanë rezultuar më të mira se pritshmëritë e bankës qendrore.
“Informacioni i ri i marrë në analizë ka qenë, përgjithësisht, më i mirë se pritjet tona. Inflacioni shënoi rënie në muajt nëntor e dhjetor, aktiviteti ekonomik vijoi të rritet në gjysmën e dytë të vitit, ndërsa efekti i normalizimit të qëndrimit të politikës monetare po shfaqet më i plotë në tregjet financiare. Këto tendenca pritet të vazhdojnë edhe gjatë tremujorëve të ardhshëm. Përditësimi i parashikimeve sugjeron se inflacioni do të bjerë gradualisht gjatë vitit 2023 dhe do të kthehet në objektiv në gjysmën e parë të vitit 2024.
Rënia e inflacionit do të pasqyrojë reduktimin e mëtejshëm të inflacionit në tregjet ndërkombëtare dhe pasojat kumulative të normalizimit të qëndrimit të politikës monetare në vend. Këto pasoja shfaqen në formën e kontrollit të pritjeve të agjentëve të tregut për inflacionin, të mbështetjes së kursit të këmbimit, si dhe të balancimit më të mirë midis kërkesës dhe ofertës agregate në vend,” tha Guvernatori Gent Sejko.
Ndryshe nga Guvernatori Sejko, asnjëra prej bankave të nivelit të dytë nuk e ka mbatur të pandryshuar normën bazë të interesit por i e kanë rritur duke fajësuar Bankën e Shqipërisë se ngarkon qytetarët me këtë normë.
Aktualisht, të gjithë nëpunësit e kredive në bankat e nivelit të dytë që po përballen me pakënaqësitë qytetare, tashmë nuk shpërfillin por përbuzin vendimet e Këshilli Mbikëqyrës i Bankës së Shqipërisë duke ju thënë qytetarëve se ndryshe ju vijnë atyre urdhërat!
Sot, pyetja është e thjeshtë, kur Guvernatori Gent Sejko shpall vendimet e Këshillit Mbikëqyrës të Bankës së Shqipërisë, kë gënjen, Kryeministrin, Ministren e Financave dhe gjithë zinxhirin qeverisës që nuk dinë se çfarë është kredia dhe dhimbja e saj sepse qytetarin nuk e gënjejnë dot, atij në rastin më të mirë, kësti i kredisë i është rritur për 20 për qind, dhe në çdo rast duke u fajësuar Banka e Shqipërisë!
