“Bukëshkalë”/ Edi Rama bënë reforma, shqiptarët kërkojnë azil në BE. Madje Shqipëria zë vendin e parë…

Eurostat, tek i cili Edi Rama me Reformën e tij në Drejtësi nuk ka arritur ta vëjë  nën kontroll, ka publikuar sot të  dhënat sipas të cilave Shqipëria vijon të jetë shteti evropian me numrin më të lartë të azilkërkuesve në BE.

Në tremujorin e dytë të vitit 2018 aplikuan për herë të parë për azil 3930 persona, apo 3% e totalit të azil kërkuesve në Bashkimin Europian. Gjatë gjashtë mujorit të parë të vitit 2018, numri në total i aplikimeve për herë të parë nga shqiptarët për azil llogaritet 8040.

Franca rezulton të jetë vendi me numrin më të lartë të azilkërkuesve edhe për tremujorin e dytë të 2018-s, me 38% të kërkesave, apo rreth 1495 aplikues.

Në vend të dytë për numër të lartë aplikuesish, ndryshe nga tremujorët e kaluar renditet Greqia, me rreth 20% të kërkesave për azil apo 800 aplikues.

Ndërsa në vend të tretë është Mbretëria e Bashkuar, ku vetëm gjatë tremujrit të dytë kanë aplikuar për azil rreth 500 shqiptarë, apo 13% e totalit.

Gjatë tremujroit të dytë të 2018-s në të gjithë Bashkimin Europian u regjistruan 136,700 azilkërkues për herë të parë.  Krahasur me një tremujor më parë, numri i azilkërkuesve në BE u rrit me 4%. Në T1 të këtij viti aplikuan për azil rreth 131400 azilkërkues.

Numri më i  lartë i azilkërkuesve vjen nga Siria, Afganistani dhe Iraku ndërkohë që këtë tremujor numër të lartë aplikuesish për herë të parë ka edhe Venezula, vend i cili po përjeton një krizë të fortë ekonomike.

Pjesa më e madhe e aplikimeve janë regjistruar në Gjermani, Francë dhe Greqi. Ndërsa Eurostat raporton se afërsisht 1 milion aplikime për azil janë ende në pritje.

Qeveria e Shqipërisë  ende nuk ka reaguar për këtë  fenomen të  pakuptimtë. Si mund të ikin shqiptarët nga ky vend i mrekullueshëm dhe të kërkojnë azil, kur turizmi është bërë si në Kroaci, shëndetësia si në Gjermani, çmimet si në Suedi, taksa për autostradën deri në Kosovë sa ajo për autostradën deri në një planet tjetër etj.