Bullgari, shpallen zgjedhjet e parakohshme

Presidenti i Bullgarisë, Rumen Radev, shpalli zgjedhjet e parakohshme parlamentare më 11 korrik.

Vendimi pasoi dështimin e Parlamentit javën e kaluar për të formuar Qeverinë.

Radev po ashtu emëroi aleatin e tij të ngushtë dhe Këshilltarin për siguri dhe mbrojtje, Stefan Yanev, kryeminitsër të përkohshëm.

Detyrat kryesore të kabinetit të tij të përkohshëm do të jenë organizimi i zgjedhjeve dhe menaxhimi i pandemisë së koronavirusit. Gjithashtu, kjo qeveri e përkohshme duhet të vendos nëse do të dorëzoj planin kombëtar në Bruksel mbi mënyrën e shfrytëzimit të mbi 6 miliardë eurove nga Fondi i Bashkimit Europian për rimëkëmbje nga koronavirusi.

Partitë kryesore bullgare bënë tri përpjekje të dështuara për të formuar Qeverinë, pas zgjedhjeve të 4 prillit.

Partia e qendrës së djathtë GERB, e kryeministrit në largim, Boyko Borisov, raporton RFE, doli e para në zgjedhje, por ajo fitoi vetëm 26 për qind të votave – të pamjaftueshme për të formuar Qeverinë.