Bundestagu: Ushtria e Gjermanisë edhe një vit në Kosovë

Bundestagu vendosi sot për zgjatjen edhe për një vit të misionit të Ushtrisë së Gjermanisë në Kosovë. Numri i ushtarëve do të përgjysmohet, nga 800 në 400 ushtarë.

Misioni i Bundeswehrit në Kosovë u zgjat edhe me një vit nga Bundestagu gjerman dhe numri i ushtarëve, sipas vullnetit të qeverisë gjermane do të përgjysmohet nga 800 në 400 ushtarë. Për zgjatjen e misionit votuan 493 deputetë gjermanë, kundër votuan 146 parlamentarë, 6 abstenime.

AfD dhe Të Majtët theksuan në debatet e tyre, se nuk e mbështesin më një mision të ushtarëv gjermanë në Ballkan. 

Kosova është një vend, ku jo çdo gjë është ashtu si duhet, tha deputeti socialdemokrate, Fritz Felgentreu.

“Por vrasja ka ndaluar”. Kurse deputeti i Gjelber, Manuel Sarrazin theksoi, se misioni i NATO-s është edhe më tej një “faktor elementar stabiliteti dhe mbrojtjeje.” Sipas Sarrazin “paqja nuk është aspak e garantuar”. Por deputeti i AfD-së, Armin Paul Hampel e quajti misionin të dështuar. Ajo që ka dalë është një “shtet kriminel”, qeveria e të cilit është e mbuluar deri në majë me kriminelë, tha Hampel duke theksuar, se “ky mision nuk e meriton as kockën e një ushtari të vetëm gjerman.”