Burri vret gruan, detajet e ngjarjes së rëndë

Vrasja e radhës në familje është shënuar në Durrës, ku një 42-vjeçar ka ekzekutuar bashkëshorten e tij 40 vjeçe.

Burime policore bënë me dije se 40-vjeçarja ka shkuar e lënduar në kokë në Urgjencën e Spitalit Rajonal Durrës rreth orës 19:55. Pavarësisht përpjekjeve të mjekëve për ti ardhur në ndihmë, Ardiana Shaholli ka ndërruar jetë.

Nga hetimet e kryera ka rezultuar se autor i dyshuar i vrasjes është bashkëshorti i saj, Çlirim Shaholli 42 vjeç, i cili dyshohet se e ka goditur me mjete të forta.

Mësohet se ai është shoqëruar në ambientet e Policisë Durrës dhe po pyetet mbi rrethanat e ngjarjes.

Familja banonte në lagjen në lagjen Nr.15, ku edhe dyshohet se është dhunuar gruaja, e cila ndërroi jetë më pas në spital. Raportohet se çifti, që kishte disa fëmijë, ishte në vështirësi ekonomike.