Bursat evropiane në rënie, investitorët frikë nga lufta tregtare
Bursat evropiane sot në mëngjes kanë shënuar rënie, ashtu si edhe në Wall Street një ditë më parë, sepse investitorët janë dekurajuar nga rezultatet e dobëta të disa kompanive.
Indeksi STOXX 600 i aksioneve kryesore evropiane, rreth orës 9:45 minuta ishte minus 0.1 për qind.
Indeksi londinez FTSE është forcuar në mëngjes për 0.15 për qind, në 7.696 pikë, derisa ai i Frankfurtit DAX ka një rënie me 0.15 posto, në 12.667 pikë, e indeksi parisien CAC 0.20 për qind, në 5.408 bodova.
Përveç klimës së keqe që u krijua pas rënies së çmimit të aksioneve në Wall Street, pasi disa kompani raportuan bilance më të dobëta periodike të biznesit se sa që ishin pritur, investitorët evropian u zhgënjyen në mëngjes edhe me rezultatet e disa kompanive evropiane.
Për këtë arsye, p.sh. çmimi i aksioneve të prodhuesit të letrës Stora Enso ka rënë rreth 12 për qind, ndërsa e kompanisë së sigurimeve Bezley rreth 13 për qind.
Loja me Yuanin(CNY)
Ndjeshëm është shënuar rënia edhe e aksioneve në sektorin financiar sepse investitorët kanë frikë se lufta tregtare në mes të SHBA dhe Kinës mund të thellohet, sepse në mengjes vlera e yuanit ndaj dollarit ka shënuar rënien më të madhe brenda një viti.
Investitorët kanë frikë se dobësimi i yuanit është arma e re me të cilën është përcaktuar Pekingu në luftën tregtare me Washingtonin i cili deri më tani është zhvilluar me taksa doganore në produkte të caktuara. Me dobësimin e yuanit, në fakt, prodhimet kineze në tregjet ndërkombëtare bëhen më konkuruese.
Investitorët janë të shqetësuar edhe më shumë me tensionet në mes të SHBA dhe BE, pas paralajmërimit të djeshëm të zyrtarëve të Bashkimit Evropian në prag të takimit për çështje tregtare që pritet të zhvillohet javën e ardhshme në Washington se po bëjnë gati listën e produkteve amerikane ndaj të cilave do të vendoset taksa doganore në rast se Shtëpia e Bardhë realizon kërcënimin mbi vendosjen e taksës doganore për makinat e prodhuara në vendet e BE.
Rënia e çmimeve në industrinë e automobilave
Çmimet e aksioneve në industrinë e automobilave evropian, që është edhe industria më e ndjeshme në tensionet tregtare SHBA-BE, kanë rënë në mëngjes mesatarisht 1.1 për qind.
Në bursat aziatike, pas humbjeve fillestare, çmimet e aksioneve kanë shënuar ngritje në mëngjes, dhe kështu indeksi MSCI i aksioneve aziatiko-paqësore rreth orës 9:45 ishte në plus 0.5 për qind.
Në bursën e Tokios, indeksi Nikkei u dobësua 0.3 për qind, në 22.697 pikë.
