Buxheti 2021, Kryeministri Edi Rama foli për opozitën, shëndetësinë dhe vaksinën

Në foltoren e parlamentit u paraqit për të folur për Buxhetin e vitit 2021, u mburr me buxhetin për Shëndetësinë dhe angazhimin e tij për vaksinat Anticovid, por Kryeministri Edi Rama nuk harroi që rrugës të përgjigjet edhe në akuzat e opozitës, të cilën e këshllloi të përdor maskë për trurin në më nyrë që të mbrohet nga toksinat që përhapen, siç tha ai, bashkë me fabrikimet dhe shpifjet.

“Të përdorin maskën e trurit për ta mbrojtur nga toksinat që përhapen në mënyrë intesive me fabrikime, sajesa e shpifje se fatkeqësisht në këtë luftë kemi një specifikë që është zor ta ndeshësh në ndonjë vend tjetër, se ka një opozitë, një nga ato, ajo jashtëparlamentarja se ajo për fat të keq edhe një herë në 100 vjet kur bie një pandemi nuk gjen arsye dhe forcë morale të luajë një rol njerëzor dhe konstruktiv, jo duke hequr dorë nga kritikat dhe nxitja e qeverisë në drejtimni e duhur.

Nuk është e vërtetë që të sëmurët dergjen dyshemeve, por mund të kishte ndodhur si në Lombardi që është zona e ekselencës së mjekësisë italiane. Për fat të mirë kjo tek ne nuk ka ndodhur. Që mungojnë ilaçet kjo nuk është e vërtetë. Kemi të njëjtat protokolle me Gjermaninë e Francën,” tha Edi Rama dhe iu rikthye edhe aksidenteve fatale të ditëve të fundit që po përsëriten në spitalet covid:

“Njerëzit hidhen nga ballkoni se bën zhurmë të padurueshme, se sistemi i oksigjenimit bën një zhurmë të barabartë me atë të ngritjes së avionëve, zhurma është e njetjë me aparaturat në të gjithë botën, kemi të njejtat aparatura moderne. Të gjitha këto akuza krijojnë ankth e pasiguri si propaganda që vetëm këtu kanë ndodhur vetëvrajse si pasojë e covid nëpër spitale. Nuk është e vërtetë t’ja faturosh këto përgjegjësi qeverisë. Spitali i Liezhit në Belgjikë një mjeku edhe pse i prekur me Covid e urdhëroi të vazhdojë punën për shkak të shterimit të burimeve njerëzore, ky lajm u përhap gjithandej me shpejtësi. Ne nuk bëjmë dallim nga të tjerët,” tha Edi Rama ndërsa foli dh epër vaksinat ku premtoi se përveç grupeve të riskut, vaksina anticovid do të jetë falas për të gjithë popullsinë.

“Rritja e buxhetit të shëndetësisë në 2021 është rritja më e lartë në të gjitha këto 30 vjet për Shëndetësinë në një buxhet të shtetit, një rritje e pandodhur asnjëherë më parë, lidhet me masa të reja dhe fuqizimin e të gjithë vijës mbrojtëse për të dalë kryelartë nga kjo luftë që ka sprovuar të gjithë botën dhe në zhvillimin e së cilës Shqipëria nuk ka asgjë mangut nga vendet e tjera, e them me krenari këtë.

Kemi rritje 40% të pagës për të gjithë mjekë e infermierë në të gjithë Republikën e Shqipërisë. Më këtë buxhet kemi vazhdimin e një mbështetje që faktikisht hyn në fuqi në ditët në vijim për të prekurit me Covid që trajtohen në kushte shtëpie,” tha Kryeministri dhe ndonëse kritikoi ata që nuk janë të fushës dhe flasin për pandeminë, ai nga foltorja e parlamentit vetëm këtë punë bëri:

“Fenomeni i marrjes së medikamenteve që nuk ndihmojnë duhet të ndalet, ndaj duhet të konsultoheni me mjekun e familjes fillimisht. Merrni ilacet bazë të recetës bazë, bazuar në orientimet bazë të sistemit tonë, ndaj mos bini pre e spekulantëve mos merrni këshilla me ëhatsapp nga njëri-tjetri.”

Ndërkohë siguroi se do kemi mbështetje me financë për të gjithë të prekurit nga COVID-19.

“Do dyfishojmë ndihmën ekonomike për periudhën e përballjes me pandeminë, jo vetëm për të prekurit në këtë rast, por për të gjithë këtë pjesë më vulnerabël të shoqërisë. Iu kërkojmë të jenë sa më të kufizuar në aktivitetin e tyre.

Kemi paguar kaparin për Covx, pra kemi prenotuar aksesin për vaksinën që pritet të dalë. Jemi në bashkëbisedim të përditshëm me BE, para se të vija këtu me kancelarin e Austrisë për të garantuar qartësi dhe siguri për aksesin në vaksinimin e popullsisë. Kemi parasysh se vaksina do dalë, por sasia nuk e mbulon dot të gjithë popullsinë menjëherë. Të gjitha vendet kanë një strategji, ne do ta nisim falas vaksinimin për grupet e riskut për ta shtrirë më pas në të gjitha grupet e popullsisë.”

Edhe sot, Kryeministri Edi Rama mori përsipër ta bëjë edhe hetuesin epidemiologjik vetëm për t’iu përgjigjur akuzave të opozitës lidhur me testimin masiv:

“Strategjia e testimit lidhet me identifikimin dhe gjurmimin. Nuk testohet për të testuar. Sot në Lombardi, në rajonin më të pasur të Italisë, me shëndetësi ekselente, autoritetet shëndetësore nuk të bëjnë tamponin, nëse nuk ke simptoma të një grade të caktuar, por të thonë të qëndrosh në shtëpi. Vajtja me turravrap për të bërë tamponin te privati dhe për të paguar atje para, që shpenzohen në mënyrë të panevojshme, mund të shërbejë për të hequr një merak, por nuk ka lidhje me mënyrën e trajtimit të armikut në këtë luftë. Asnjë shtet sot që flasim, tani, nuk bën më atë që bënte në periudhën e mëparshme. Edhe shtetet që bënin testime, testime, tani janë frenuar, duke u përpjekur të fokusohen aty ku Shqipëria dhe disa vende të tjera janë fokusuar qysh në krye të herës. Jo se jemi më të zotë, por se kjo ka qenë strategjia e zgjedhur nga ekspertët tanë. Nëse Komiteti Teknik do na thoshte të blinim teste më shumë, normalisht që do t’i blinim. Siç gjetëm mundësinë të paguajmë naftëtarët, edhe pse nuk ishte një hall i krijuar nga ne. Siç kemi vendosur të dyfishojmë ndihmën ekonomike nga janari i vitit tjetër, patjetër që do ta gjenim mundësinë për të shtuar testet.”

Por në fund të ditës ka vetëm një mënyrë për të gjykuar situatën, sa të infektuar ke, sa fatalitete ke dhe sa shtretër ke në dispozicion, tha Kryeministri Edi Rama duke gjykuar dhe konstatuar si në Asamblenë e PS:

“Nëse në këto të treja nuk je në gjendje alarmi, do me thënë se po bën gjënë e duhur. Nëse në këto të treja Shqipëria nuk është asgjëkundi në vendet që kryesojnë listat për të infektuar, të vdekur dhe kapacitete në shtretër, por është në një dispozicion që hyn te normale, atëherë tjerat janë asgjë. Mund të ndodhë në proces, nuk e dimë, por ndaj jemi përgatitur për më të keqen. Nëse numrat shkojnë përtej kapaciteteve, kemi spitalet rajonale, por sot nuk ka ndodhur. Edhe në rajonin tonë ne jemi me parametrat më lehtësues. Ne do të bëjmë gjithçka, të gjithë së bashku, që deri në fund të kemi një bilanc për të cilin të jemi të gjithë të lehtësuar me vetveten dhe me njerëzit, që bëmë gjithçka mundëm dhe Shqipëria doli nga kjo luftë me të gjitha pasojat, që çdo luftë sjell, por me asnjë pasojë më shumë se gjithë të tjerët.”

Në fund, me 84 vota për, 14 kundër dhe një abstenim, Parlamenti i Shqipërisë miratoi nen për nen buxhetin e vitit 2021.