Buxheti 2022/ Shumë gallatë me satelitë, Rama: Të parin do e hedhim në mars!
Lufta kundër krimit është prioritet i prioriteteve, tha Kryeministri Edi Rama ndërsa po prezantohej buxheti për vitin 2022 për Ministrinë e Brendshme duke mos harruar të theksoj se siguria e qarkullimit rrugor mbetet një nga prioritetet kryesore ndërsa sqaroi se plani është që të hiqen patrullat e policisë nga rruga.
Me këtë rast, Kryeministri foli edhe projekti që do të jetë ndihmë për policinë ndonëse për të është bërë shumë gallatë, satelitët. Të parin, tha Rama, do e hedhim në mars, dhe do të kemi të dhëna në kohë reale përditë.
“Ndihet ende mungesa aty ku ka krim, është e domosdoshme që të vendosen më shumë forca, për të arritur të njëjtat rezultete si me pjesën tjetër. Prioritet i dytë, jo më pak i rëndësishëm, është ngritja në një nivel sigurie më të lartë e gjithë qarkullimit rrugor të Republikës. Paralelisht me këtë vendosja e një kontrolli absolut mbi territor, jo vetëm në aspektin e veprimtarisë kriminale apo me shkelje të ligjit që kanë të bëjnë me personin, por me veprimtari që kanë të bëjnë me Shqipërinë. Është e patoleshurshme që po ndodhin para syve të policisë së shtetit krime në mjedis. Është e patolerueshme që efikasiteti më i lartë të jetë në formën e gjobave për njerëzit në fushata të thellë që hedhin në havdhi dhe të mos jetë për ata që mbushin detin me zhavorr apo hedhin beton në plazh. Prioritet tjetër është rritja e mëtejshme të standardeve ndaj qytetarëve. Besoj se kemi ndërtuar në kushte jo të lehta, për shkak të shtrëngimeve që të mbrojmë familjarët nga fortuna e çmimit të energjisë.
Sot jemi në fazën kur me një financim të siguruar nga ministria e Energjisë, është ndërtuar qendra e kontrollit kombëtar të rrugëve në Republikën e Shqipërisë. Në një proces që vazhdon po punohet për fillimin e investimit dhe vendosjen e kamerave inteligjente, ku do të heqë përfundimisht nga rruga patrullat, në akse kombëtare. Ata bëjnë kontrolle sipas rastit. Do ta vendos policinë në funksion të reagimit, bazuar mbi faktet. Ku do të jetë një kapërcim i madh për mirëqeverisjen e territorit. Do të jetë kapërcim i madh edhe për zhdukjen përfundimtare të ngjarjeve kriminale. Janë më pak seç ishin, janë prezente për fat të keq. Nuk bën lajm kur drejtuesi i mjetit i thotë një fjalë të keqe policit, por kur një polic i bën gjestin e ulët një gazetareje,” tha Edi Rama duke shtuar se siguria e qarkullimit rrugor mbetet një nga prioritetet kryesore.
“Është e nevojshme domosdoshmëria për të vazhduar ngritjen e cilësisë në Akademinë e Sigurisë. Theksoj se ka ende shumë punë për të bërë pavarësisht ndërhyrjeve. Lufta kundër krimit është prioritet i prioriteteve përfshirë të gjitha aspektet e saj. Ndjehet ende mungesa e efikasitetit siç ka pasur operacioni Forca e Ligjit apo kjo pjesë e organizimit policor tek lufta kundër krimit ekonomik. Aty është e domosdoshme që të vendosen më shumë forca dhe të krijohen kushte për të arritur të njëjtat rezultate si me pjesën tjetër. Prioriteti jo më pak i rëndësishëm është ngritja në një nivel sigurie më të lartë të gjithë qarkullimit rrugor në Republikën e Shqipërisë,” tha Rama ndërsa për krimin kibernetik shtoi:
“Për hir të vërtetës jemi shumë mbrapa. Një qendër e re do të ndërtohet nga Ministria e Mbrojtjes kundër krimit kibernetik. Ne do të bëjmë gjithçka mundemi që ju të ndjeheni me të mbështetur dhe më të respektuar. Duhet ta ndjeni se ky shtet ju çmon si kapital të pazëvendësueshëm”, tha Edi Rama ndërsa projekti i radhës për të ndihmuar policinë që prezantoi është ai i satelitëve. Për gallatën dhe humorin që dëgjuan shqiptarët, Kryeministri tha shëndet bëhet por sateliti i parë do të hidhet në muajin mars.
“Projekti tjetër që do të jetë ndihmë për policinë, është projekti i satelitëve. Keni dëgjuar për ta. Keni parë dhe shumë gallatë dhe humor me satelitët. Megjithatë nuk është aspak keq që njerëzit edhe të qeshin, se e qeshura shëndet bëhet, me satelitët, ku të parin do e hedhim në mars, do të kemi të dhëna në kohë reale përditë. Policia do të ketë përditë të dhëna për ndërtime pa leje. S’do të jetë më e varur nga sa mirë e bëjnë punë në terren policët, të cilët i kanë sytë hapur katër kur shkojnë dhe i bien në qafë ndonjë familje në fshat, dhe i kanë mbyllur kur iu hidhet zhavorr plazhit për të ndërtuar bankina dhe struktura. Gjithçka do të ndalojë te një sy tjetër.”, tha Rama.
