Buxheti i NATO-s, Stoltenberg: Mesazhi i Presidentit Trump dha rezultate…

Sekretari i Përgjithshëm i NATO-s në një intervistë për televizionin amerikan Fox News tha se mesazhi i qartë i Presidentit të SHBA, Donald Trump kishte ndikim dhe sot ne shohim rezultate dhe para reale. Pas kësaj deklarate ka reaguar menjëherë Presidenti Trump përmes rrjetit social Twitter duke theksuar se anëtaret  e NATO-s janë më të bashkuar ndërsa Demokratët lajmet e rreme dëshirojnë ti paraqesin ndryshe.

Sekretari i Përgjithshëm i Aleancës ka shprehur mirënjohje për Presidentin Trump, për angazhimin e tij për NATO-n dhe inkurajimin e shteteve anëtare që të investojnë më shumë në mbrojtje.

“Presidenti Trump ishte shumë i qartë, Ai është i angazhuar por njëkohësisht kishte një mesazh të qartë për aleatët e NATO se duhet të investojnë më shumë,” tha Stoltenberg duke shtuar se anëtaret e NATO-s pranuan që të rrisin kontributet për mbrojtje, gjë që, sipas Stoltenberg,  ka forcuar Aleancën.

“Pra, ne po shohim para reale dhe rezultate reale, dhe po shohim se mesazhi i qartë i Presidentit Trump ka ndikim. Aleatët e NATO-s e dëgjuan shumë mirë presidentin,” tha Stoltenberg.

Pas kësaj deklarate Presidenti Trump ka reaguar përmes rrjetit socail Twitter duke theksuar se kjo do thotë ndarje e barrës: “Sekretari i Përgjithshëm i NATO-s pikërisht tregoi se duke ju falënderuar angazhimit tim, NATO  nga shtetet anëtare arriti të mbledhë më shumë para sa kurrë njëherë më parë, pas shumë viteve të rënies së të ardhurave. Kjo quhet ndarje e barrës. Gjithashtu, janë më të bashkuar. Demokratët edhe lajmet e rreme dëshirojnë ti tregojnë ndryshe!” tha Presidenti Trump.