Buxheti i shpopullimit, Noka thirrje për 12 Nëntor: Bashkë në protestë, për interesin e çdo shqiptari!

Deputeti dhe Sekretari i Përgjithshëm i Partisë Demokratike, Flamur Noka, projekt buxhetin për vitin 2023 sot e cilësoi si buxhet të gomoneve dhe shpopullimit të vendit, ndërsa nga foltorja e parlamentit i bëri thirrje shqiptarëve të dalin në protestë më 12 nëntor, bashkë përtej bindjeve politike dhe për interesin e familjeve dhe fëmijëve shqiptarë.

“Asnjë në buxhet për të lehtësuar rritjen e çmimeve. me këtë buxhet qeveria tregoi se ka vetëm një cilësi, pashpirtësi e pangopësi. Buxhet i keq për shqiptarët sepse vetëm rrit shpenzimet. nuk hap vende pune. në çdo vend tjetër ku buxheti dyfishohet e njëjta ndodh me vendet e punës. Çdo qeveri demokratike bën gjithçka ë rrisë vendet e punës. këtu parashikohen yudhëtime me avionë privatë. Xhepat e shqiptarëve bosh luksi i qeveritarëve pa fund.

Buxheti i gomoneve dhe shpopullimit të Shqipërisë. Rama nuk e do këtë vend ndaj harton bashkë me bandën e tij, një buxhet të tillë.

Nuk ka investime në arsim e shëndetësi. Po ikin policët nga puna e po marrin gomonet? Pse po braktiset shërbimi informativ?

Kryeministri do të investojë për pistat e formula Uno-s. Keq është Shqipëria për pistat,” tha Flamur Noka nga foltorja e parlamentit ndërsa po debatohej buxheti për vitin 2023, ku dhe bëri thirrje:

Të shtunën në orën 16:00 shqiptarët janë të ftuar të vijnë në protestë. Të bashkohemi përtej bindjeve politike për interesin e familjeve dhe fëmijëve tanë. Për interesin e çdo shqiptari. Ose ankohemi kafeve për bandën e sheikut ose dalim në protestë.”