Bylykbashi: Rama shkatërroi Kushtetuesen për të ngritur shtetin e interesit…
Oerd Bylykbashi, deputet i PD-së, përmes një komenti në rrjetet sociale akuzoi Kryeministrin Edi Rama se shkatërroi Gjykatën Kushtetuese nën pretekstin e Reformës, duke ngritur shtetin e interesit.
“Përpara se Rama të shkatërronte Gjykatën Kushtetuese, kishim Shtet të së Drejtës. Mirë apo keq, ligjet bëheshin për të gjithë shtetasit, dhe Gjykata rrëzonte ligjet antikushtetuese.
Pasi Rama shkatërroi Gjykatën nën pretekstin e Reformës, kemi Shtetin e Interesit. Ligji bëhet për të përfituar një individ i vetëm.
Ligji “Fusha shpk” është shembulli më i shpifur. Nuk ka më Gjykatë Kushtetuese që t’i rrëzojë këto ligje private”, shkruan Bylykbashi.
