Bypassi i Fierit, Edi Rama: Nga sot në dispozicion të publikut!
Kryeministri Edi Rama dhe ministrja e Infrastrukturës dhe Energjisë, Belinda Balluku inspektuan Bypassin e Fierit ku sot përfunduan punimet dhe tashmë është në dispozicion të automjeteve.
“Me mbylljen edhe të anëkalimit tjetër, mbyllet përfundimisht Bypass-i i Fierit dhe nga sot kjo vepër e rëndësishme është në dispozicion të publikut, me të gjitha standartet e garantuara pas rishikimit tërësor të projektit,” tha Edi Rama me rastin e inspektimit ndërsa ministrja Balluku ka bërë të ditur se këtë javë nis asfaltimi në Bypass-in e Vlorës dhe hapet gara ndërkombëtare për projektin e Tunelit të Llogarasë.
“Brenda qershorit hapet gara për ndërtimin e aksit prej 120 km përgjat gjurmës së ‘Korridorit Blu, Milot – Thumanë – Rrogozhinë – Fier,” bënë të ditur Kryeministri Edi Rama përmes një postimi në rrjetin social Facebook për aksin i cili do të lidhet pikërisht me Bypass-in e Fierit dhe do të transformojë qenësisht infrastrukturën rrugore të Shqipërisë Turistik.
