Cakaj spastron ministrinë e Jashtme, largon llumin e Bushatit

Zv/ministri i Jashtëm, Gent Cakaj, ka filluar spastrimin e Ministrisë të cilën amanet ia ka lënë Edi Rama duke e pagëzuar edhe si “Ministër në detyrë.”

Që Ditmir Bushati e kishte mbushur Ministrinë me mililtantë komunistë dhe të paaftë, kjo dihej dhe ishte denoncuar edhe nga opozita me kohë, por që nuk plotësojnë as kushtet minimale ligjore dhe profesionale sot e konfirmoj edhe vet Gent Cakaj:

“Sot ndaj me ju faktin se kam vendosur të shkëpus marrëdhënien me një pjesë të punonjësve që nuk përmbushin as kushtet ligjore dhe as minimale profesionale për të kryer detyrën dhe lëre më vizionin e kryeministrit Rama,” tha Cakaj pas ndërprerjes së marrëdhënieve me 20 punonjës të shërbimit diplomatik.

Ndryshe, gjatë këtyre 77 ditëve të punës së tij në këtë institucion, Zv/ministri Cakaj tha se ka mbledhur një grup të posaçëm pune për të shqyrtuar hollësisht cilësinë e burimeve njerëzore të shërbimit diplomatik të shtetit shqiptar.”