Ç’bunkerizim, Komisioni Rithemelimit PD: Beteja, rrëzimi i regjimit që po i pi gjakun shqiptarëve!

Një ditë pasi gjykata Civile e Tiranës njohu ndryshimet në Statutin e PD të miratuara në Kuvendin e 11 Dhjetorit, dhe Koimisioni i Rithemelimit miratoi vendimet e para pas situatës së krijuar me marrjen e këtij vendimi të Gjykatës, një grup i Rithemelimit pasi pa nga afër gjendjen në selinë e bunkerizuar nga Lulzim Basha kishte dy mesazhe të qarta për demokratët: Ç’bunkerizimi i PD dhe rruga me çdo demokrat nga më i thjeshti në bazë deri ke deputetët në qendër së bashku në rrëzimin e regjimit që po i pi gjakun shqiptarëve.

“Po shohim ku ka nevojë për ndërhyrje. Tani ajo që ju thashë shtëpia e demokratëve kurrë nuk mund të jetë bunker. është momenti që tua themi demokrateve. Ju e patë se si është bunkerizuar PD, një parti që nuk mund të imagjinohej. T’ja kthejmë demokratëve dhe më pas t’i kthehet normalitetit. është boshatisur gjithçka,” tha deputeti Flamur Noka ndërsa pa nga afër ambientet e selisë së PD i shoqëruar nga deputeti Belind Këlliqi dhe anëtarë të tjerë të Komisionit Rithemelimit duke sqaruar se aktualisht detyra kryesore është kthimi i selisë në duart e demokratëve.

“T’ja kthejmë demokratëve, kjo është detyra jonë, këtu është boshatisur gjithçka. Dy janë mesazhet që përcjellim,  ç’bunkerizimi i PD dhe i dyti është rruga me çdo demokrat nga më i thjeshti në bazë deri ke deputetët në qendër e kemi së bashku. Pas ç’bunkerizimit të partisë kjo seli do t’i kthehet normaliteti dhe do jetë e hapur për çdo demokrat. Kjo periudhë do të hidhet pas dhe i përkasë të shkuarës. Nuk do dëshiroja ta kujtonim këtë situatë do të shohim para sepse nuk mund të rrimë peng i hijeve të bunkerit, do të bashkohemi dhe beteja do të jetë për të rrëzuar një regjim që po i pi gjakun shqiptarëve dhe që nuk ekziston në asnjë vend tjetër. Demokratët janë tolerantë në natyrën e tyre por edhe mendjehapur. Ata  dinë shumë mirë ase po nuk fshimë mentalitetin e bravës dhe blindit nuk ecet përpara,” tha Falmur Noka duke shtuar”

“Kryetarin e Grupit parlamentar do ta takojmë sërish. Kemi rënë dakord për të vijuar bisedimet për mbledhjen e grupit. E respektojmë Alibeajn.”

Me këtë rast Flamur Noka iu përgjigj edhe atyre mediave që transmetonin pyetjet e tironsit të dorëhequr nga posti i Kryetarit të PD për t’ju përkushtuar fshatrave, Lulzim Basha, ku fillimisht iu kërkua një koment për ankimimin e paralajmëruar nga Enkelejd Alibeaj për vendimin e Gjykatës për njohjen e ndryshimeve të Statutit që u miratuan në Kuvendin e 11 Dhjetorit.

“Edhe zoti Bardhi edhe Alibeaj e njohin mirë ligjin, një gjë është universale. Vendimet e gjykatave nuk komentohen, por zbatohen. në datë 6 mars foli i gjithë populli opozitar,” tha Noka ndërsa sqaroi nëse kishte një takim të një anëtari të Komisionit të Rithemelimit me gjyqtarit Agron Zhukri para vendimit.

“Doja ta hidhnim pas këtë histori. Nëse është takuar me një kriminel është tjetër gjë. Drejtësia meriton të hetojë. Nëse është takuar me një qytetar të lirë të këtij vendi, s’po kuptoj ku është problemi. Kërcënim dhe vepër penale është shantazhi që iu bë gjyqtarit 24 orë para vendimit. Është takuar edhe me njerëzit më të afërt të Bashës, po për ne nuk ka asnjë rëndësi. Disponoj foto duke pirë kafe, po janë gjëra pa rëndësi. Nëse inskenon një skemë kriminale është tjetër gjë,” tha Flamur Noka i cili iu bë pyetjes absurde nëse tashmë ka vend për Lulzim Bashën në Partinë Demokratike:

“Në PD ka vend për çdo qytetar të lirë të këtij vendi që nuk pajtohet me regjimin dhe është kundër këtij regjimi. Nuk do jetë më as parti e bravave dhe as e blindave, por e dyerve të hapura. Kjo force politike është e hapur për të gjithë, për Lulzim Bashën që do të jetë një nga kolegët tanë.”