CC: Punësimi informal në Shqipëri 30.3%, nuk ka një qasje strategjike për…
Këshilli Rajonal për Bashkëpunim, RCC, ka publikuar gjetjet mbi punësimin informal në vendet e Ballkanit Perëndimor. Shkalla e punësimit informal në Shqipëri vlerësohet të jetë 30.3%. Përqindja e të punësuarve informalë (të padeklaruar) në rajon varion nga 18.1% në Maqedoninë e Veriut në 33% në Malin e Zi, tha Nand Shani, drejtues në Platformën e Punësimit dhe Çështjeve Sociale në RCC.
Punësimi informal është vlerësuar 33% në Malin e Zi, 30.3% në Shqipëri, 30% në Bosnje dhe Hercegovinë, 23% në Kosovë, 20.7% në Serbi dhe 18.1% në Maqedoninë e Veriut.
Në rekomandimet e RCC thuhet se Shqipëria duhet të shtojë përpjekjet për të arritur një qasje gjithëpërfshirëse në reduktimin e punës së padeklaruar. Aktualisht, ka një përhapje të punës joformale, e cila mbetet një sfidë dhe nuk ka një qasje strategjike për rritjen e punësimit formal. Pjesëmarrja e ulët e tregut të punës lidhet me punën e përhapur joformale, veçanërisht në sektorin e ndërtimit dhe bujqësisë, që është punëdhënësi kryesor në ekonomi.
Prania e ekonomisë dhe punësimit informal janë identifikuar nga Komisioni Europian dhe të tjera agjenci lokale dhe ndërkombëtare (OECD, ILO etj) si një nga barrierat e mëdha për të bërë të mundur zhvillimin ekonomik në rajon. Platforma e Punësimit dhe Çështjeve Sociale ka prodhuar një raport diagnostikues për secilën nga ekonomitë e Ballkanit Perëndimor të cilat analizojnë faktorët që nxisin punën e deklaruar, kornizën institucionale dhe qasjen e politikave aktuale, e plotësuar edhe nga një listë me rekomandime kyçe për trajtimin e punës së padeklaruar.
“Punësimi informal në vendet e Ballkanit Perëndimor po trajtohet pjesërisht, kryesisht përmes forcës dhe korrigjimeve”,- tha Nand Shani, duke shtuar se ka një sërë mjetesh që transformojnë të paditurit punojnë në punë të deklaruara.
Në përgjithësi, ekonomitë e Ballkanit Perëndimor deri më tani kanë adoptuar një qasje të zbatimit të detyrueshëm me theks më të ulët në nxitjet dhe përmbushjen vullnetare. Transformimi i suksesshëm dhe efektiv i punës së padeklaruar në punën e deklaruar nënkupton bashkimin e nivelit të strategjisë dhe operacioneve në fushën e politikave të punës, taksave dhe ligjit të sigurimeve shoqërore dhe përfshirjen e partnerëve socialë.
Kjo qasje përdor gamën e plotë të masave të drejtpërdrejta dhe indirekte të politikave në dispozicion për të rritur fuqinë dhe besimin tek autoritetet respektivisht.
Platforma e Punësimit dhe Çështjeve Sociale është një projekt 3 milionë euro o financuar nga Bashkimit Europian dhe i zbatuar nga RCC në bashkëpunim me ILO dhe vendet e Ballkanit Perëndimor./Monitor/
