CDU/CSU Apel për dialog/ Reagimi, Edi Rama: Koha nuk pret…

Brenda 24 orëve Kryeministri Edi Rama i bëri dy herë ftesë Kryetarit të Partisë Demokratike ftesë për dialog, por kur dy partitë kryesore të koalicionit qeverisës në Gjermani, CDU/CSU, bëjnë apel për zgjidhjen e krizës dhe dialog me dallimin e vetëm që të diskutohet për të gjitha temat, Edi Rama thotë se koha nuk pret.

“U jam shumë falenderues miqve të Shqipërisë dhe partnerëve politikë të LB&PD në CDU/CSU, për vëmendjen e tyre ndaj situatës politike! Krejt dakord me gjithçka kanë shprehur publikisht dhe për nevojën e dialogut pa kushte. Koha nuk pret sepse 30 qershori s’është në dorën tonë!”, thekson Edi Rama përmes rrjetit social Twitter duke reaguar pas apelit të, siç i quan Kryeministri, “miqve të Shqipërisë“.