CDU/CSU Apel për dialog/ Reagimi, Lulzim Basha: Mirënjohje Gjermanisë mike…

Pas apelit të dy partive kryesore të koalicionit qeverisës në Gjermani, CDU/CSU, për zgjidhjen e krizës dhe dialog duke mos përjashtuar asnjë temë, Kryetari i Partisë Demokratike, Lulzim Basha, reagon duke mirëpritur angazhimin e Gjermanisë për zgjidhjen e krizës.

“Mirënjohje Gjermanisë mike dhe mbështetëse të Shqipërisë, për vëmendjen dhe shqetësimin ndaj problemeve që kanë penguar integrimin europian, si mungesa e zgjedhjeve të lira dhe të ndershme, lidhjet e politikës me krimin, mungesa e luftës ndaj krimit dhe korrupsionit,” thekson Lulzim Basha përmes rrjetit social Facebook duke shprehur gatishmërinë për angazhimin e Gjermanisë mike për zgjidhjen e kësaj krize dhe hapjen e rrugës europiane të Shqipërisë:

“Në emër të PD dhe të Opozitës së Bashkuar konfirmoj gatishmërinë tonë për zgjedhje të lira dhe të ndershme dhe mirëpres angazhimin e Gjermanisë mike për zgjidhjen e kësaj krize dhe hapjen e rrugës europiane të Shqipërisë.”

Ja statusi i plotë:

“Mirënjohje Gjermanisë mike dhe mbështetëse të Shqipërisë, për vëmendjen dhe shqetësimin ndaj problemeve që kanë penguar integrimin evropian, si mungesa e zgjedhjeve të lira dhe të ndershme, lidhjet e politikës me krimin, mungesa e luftës ndaj krimit dhe korrupsionit. Në emër të PD dhe të Opozitës së Bashkuar konfirmoj gatishmërinë tonë për zgjedhje të lira dhe të ndershme dhe mirëpres angazhimin e Gjermanisë mike për zgjidhjen e kësaj krize dhe hapjen e rrugës evropianë të Shqipërisë.”