“Ç’e ka shtyrë Ilir Metën të mendojë vetëvrasjen?”/ Bukëshkala, Rama: Derrat…
Pasi i mori të gjitha pushtetet, sot Edi Rama tallet me Ilir Metën dhe vdekjen e tij, njeriun pa të cilin ai nuk do të bëhej kurrë kryeministër; Si dhe të gjithë gazetarët që e ndihmuan për tu bërë kryetar i Bashkisë së Tiranës dhe së fundi edhe kryeministër, vetëm për inat të Saliut.
Gjithë këtë kompleks politiko-mediatik ai sot i quan derra, ndërsa televizionet që gënjyen publikun për ndershmërinë e Edi Ramës, vetë ai i quan Kazan:
“Hap TV shikon vetëm zi, tmerr, e merr kohën telenovela e Babale Alizoti dhe telefonata e Nices nga Shijaku, pastaj, fap, vjen djegia e mandateve dhe një popull i tërë zvarrë me telekomandë në derrhane, sherrhane të paparë cdo ditë, miza bëhet buall, miu bëhet ari, dhe derrave u drejtohen fjalë zotëri; Si mendon zotëria juaj, çmendoni ju zoti Kadri për Nicen e Shijakut, si e konsideroni Babalen…”
Dhe pasi me ndihmën e po këtyre Kadrinjve na “vërtetoi” se Babale na qenka mashtrim foli edhe për Presidentin dhe derrat, sot, sipas tij, por dje miqtë e vetëm që kishte dhe makineria që e propagandonte këtë njeri normal dhe të pafajshëm:
“A mendoni ju zoti Kadri se Ilir Meta do vrasë veten, c’e ka shtyrë presidentin të mendojë vetëvrasjen? Dhe derrat e shtrirë atje bëjnë vëzhgime, shfaqin opinione, kurse Shqipërisë juaj që fatmirësisht nuk jeton as në ato kanale, portale dhe falë kadrinjve, e qimkadrinjve, nuk u intereson. Sharra e Dikurshme që mbyste Tiranën sot është spostuar dhe grumbullimet e mëdha nuk janë as në Porto Romano, por në kanale dhe portalet e kadrinjve dhe cimkadrinjve, një tufë zuzarësh, qe ju tregojnë si të ikni, se në Shqipëri nuk rrihet, se nuk ka gjë për të parë, po 6 mln turistë ca panë, apo i solli me zor mafia, apo ishin të gjithë të droguar dhe nuk dinin ku shkonin e ranë këtu,” tha Edi Rama ku në gjithë këtë vjellje e tha vetëm një të vërtetë:
“Shqipërisë juaj që fatmirësisht nuk jeton as në ato kanale, portale dhe falë kadrinjve, e qimkadrinjve, nuk u intereson,” tha kryeministri aktual i cili sot së bashku me derrat e tij që e sollën në pushtet, nuk është i besueshëm për shumicën e popullsisë, pavarësisht se kush në cilën llogore është pozicionuar. Këtë e konfirmon pjesëmarrja në zgjedhje, e cila vetëm kësaj shpurre nuk i intereson edhe sot dhe vazhdon e merret me tensione politike…
