Çekia anulon kufizimet, Rama tallet me opozitën: “Mirëmëngjes nga unë, Luli dhe shokët e tij!”

Derisa Kryeministri i Çekisë, Andrej Babiš, anuloi të gjitha kufizimet e lëvizjes së vendosura për parandalimin e përhapjes së COVID-19, pas një vendimi të Gjykatës Administrative në Pragë, dhe mburret se qeverisë një shtet ku funksionon demokracia, homologu i tij shqiptar dhe fatkeqësisht Kryeministri ynë Edi Rama nuk ka kohë të merret me hallet e qytetarëve por tallet me opozitën.

Mirëmëngjes nga unë, Luli dhe shokët e tij!

Me këtë postim e fillon ditën Kryeministri Edi Rama duke u marrë me denoncuesit opozitarë por jo duke sqaruar denoncimet për vjedhje që argumentuan edhe me fatura. Ndërsa publikon deklaratën e Ish-Deputetit të PD, Enkelejd Alibeaj, për tenderat sekretë, Rama përzgjedhë atë pjesë që mendon se mund të përgjigjet:

“Çfarë sekreti ka këtu?! Nuk ka tendera sekretë, as kontrata sekrete.

Procedurat e tenderimit të përdorura për COVID-19 janë procedura të miratuara ligjore, për lidhjen e kontratave që diktohen nga interesat thelbësore të shtetit. Po të ishin sekrete nuk do të ishin publike!”

Duke e quajtur këtë arrogancë përgjigje, Edi Rama sërish shkëput edhe një deklaratë të Alibeajt, i cili thekson në emër të PD-së se maskat mbrojtëse qeveria i ka blerë me një shifër 6.5 euro. Por, as fatura e çmimit me pakicë të maskës, 400 lekë, nuk e bindë Edi Ramën se 400 lekë nuk është e barabartë me 800 lekë, dhe duke iu përgjigjur kësaj akuzës thotë:

“Me vërte?! Maskat mbrojtëse FFP2 janë blerë me 4.14 euro!”

Për ata që kanë kaluar në Rrugën e Kombit dhe vazhdojnë ti paguajnë 660 lekë Qet Kastratit për 5 euro, e kanë të qartë se pse Kryeministrit Edi Rama i duken 400 lekë të barazvlefshme me 4.14 euro!

Kursin e këmbimit e ka me horoskop dhe jo me Bankën e Shqipërisë!

Këtë e konfirmon edhe mbyllja e kaj video, ku nuk i përgjigjet akuzave të Kryetarit të PD-së, Lulzim Basha, por e akuzon në mënyrën e tij:

“Boll! 7X7 nuk bëjnë 42!”