Çekia heq TVSH-në për energji elektrike dhe gaz

Qeveria e Çekisë ka ndërprerë përkohësisht pagesën e Tatimit në Vlerën e Shtuar, TVSH, për energjinë elektrike dhe gazin në mënyrë që ti lehtësohet qytetarëve ngarkesa me faturat e mëdha.

Në nëntor dhe dhjetor, qytetarët çek nuk do të paguajnë TVSH-në për energjinë elktrike dhe gazin, ka bërë të ditur sot ministria e Financave. Kështu ka reaguar Qeveria në këtë situatë të jashtëzakonshme, tha pas mbledhjes së qeverisë, ministrja e Financave, Alena Schillerova.

Masat, buxhetit të shtetit do ti kushtojnë 157 milionë euro ndërkohë qeveria sugjeron dhe shtesa në ligj në mënyrë që duke filluar nga viti i ardhshëm, nga furnizimi me energji elektrike dhe gaz të hiqet përgjithshmonë TVSH.

Lideri i opozitës, Petr Fiala e ka kundërshtuar heqjen e TVSH për energjinë elektrike dhe gazin duke theksuar se zgjidhje më e mirë do të ishte subvencioni i familjeve me të ardhura më të ulëta.

Kjo masë pritet të miratohet edhe nga Komisioni Europian dhe vjen në kohën kur në vendet e BE, çmimi i energjisë elektrike dhe gazit kanë pësuar rritje të dukshme dhe qeveritë janë detyruar të ndërhyjnë.

Ndryshe, Kryeministri dhe lider i partisë së qendrës së djathtë, ANO, Andrej Babish, ka humbur në zgjedhjet parlamentare që u mbajtën kohë më parë dhe është shprehur se është i gatshëm ta dorëzoj pushtetin, duke e bërë të qartë se do ta refuzoj mandatin nëse Presidenti Millosh Zeman i ofron, raporton Agjencia e lajmeve ÇTK. Por situata u komplikua pasi Zeman u shtrua në spital, dhe sipas Presidentit të Senatit, Millosh Vystriçill, Millosh Zeman nuk do të mund ta kryej më detyrën e tij si President i Republikës.