Çekia me Qeveri të qendrës së djathtë

Pesë parti çeke kanë firmosur sot Marrëveshjen e koalicionit të ri qeverisës të qendrës së djathtë, pasi arritën sukses muajin e kaluar në zgjedhjet parlamentare dhe janë në prag të zëvendësimit të qeverisë së kryeministrit Andrej Babish.

Partitë, nga euroskeptikët e moderuar të Qytetarëve demokratë deri tek partia liberale Pirate e qendrës së majtë, kanë premtuar uljen e defiçitit buxhetor i cili po rritet në kontinuitet që nga viti i kaluar nga mesi i pandemisë dhe rritjes së pensioneve dhe rrogave.

Pritet që defiçiti buxhetor këtë vit të shkoj mbi 7 për qind të PBB-së.

Në zgjedhjet parlamentare të cilat u mbajtën më 8 dhe 9 tetor këto parti së bashku fituan 108 nga 200 ulëse në Dhomën e ulë të Parlamentit.

Gjatë fushatës zgjedhore janë shprehur se janë të bashkuara me qëllim që ta rrëzojnë Babishin, të cilin e akuzojnë për konflikt interesi me rolin e tij si themelues i konglomeratit bujqësor Agrofert.

Babish, në vitin 2017 para se të bëhej kryeministër transferoi të drejtat e administrimit të konglomeratit të tij Agrofert dhe ka hedhur poshtë akuzat se është në konflikt interesi.

Pasardhësi i tij tashmë në postin e kryeministrit, Petr Fiala, sot tha se koalicioni i ri duhet të veproj shpejtë.

“Duhet sa më shpejtë të zgjidhim problemin e njerëve dhe ta shpëtojmë vendin nga shumë kriza, prej asaj shëndetësore dhe ekonomike deri te kriza e vlerave,” tha Fiala.

Ndryshe, sipas procedurës çeke, Fialën mund ta nominoj për Kryeministër, presidenti Millosh Zeman pasi qeveria aktuale të jap dorëheqje në prag të konstituimit të parlamentit, e cila fillon sot dhe mund të zgjas disa ditë.

Partia e Babishit ANO si parti e vetme ka arritur rezultatin më të mirë në zgjedhje, por Babish shumë shpejtë e bëri të ditur se nuk do të mund të formoj koalicionin e mjaftueshëm për të qeverisur dhe është i gatshëm të tërhiqet në opozitë.