Çelja e negociatave, Rama: Më në fund na thanë PO!

Pasi Këshilli i Ministrave të Bashkimit Europian vendosi vendosi që të çelë negociatat me Shqipërinë dhe Maqedoninë e Veriut ka reaguar Kryeministri Edi Rama duke theksuar se vendi hyri në një fazë të re të historisë ndërsa harroi se ai me sejmenët e tij e kishte festuar çeljen e negociatave ara dy viteve tha se nuk do bënim festë edhe sikur kjo kohë e shumëpritur të na gjente në kohë paqe.

“Po njësoj do vazhdojmë e do bëjmë detyrat e kësaj shtëpie, jo se na e kërkojnë ata që sot na thanë më në fund po, por se na e kërkon amaneti i të parëve dhe borxhi ndaj fëmijëve tanë.

S’do ndalemi në plotësimin e cdo detyre deri sa të hyjmë në dhomën e madhe të ndenjes së BE, ku më në fund eshtrat e rilindasve do prehen të qeta në varrezat e dëshmorëve të Evropës, ku do valëvitet i barabartë mes të barabartëve edhe flamuri kuqezi i Gjergj Kastriotit,” tha Edi Rama duke e pranuar se deri atë herë puna për tu bërë është ende e madhe ndërsa shtoi:

“Nuk do bënim festë edhe sikur kjo kohë e shumëpritur të na gjente në kohë paqe. Sot ka vetëm një festë në mendjen time, e çlirimit nga ky armik i padukshëm që na ka sulmuar egërsisht. Sot jetoj çdo ditë për atë ditë. Ditën  e çlirimit ku t’ja kemi dalë ti mbijetojmë kësaj lufte,” tha ky mjeshtër i madh festave, që për 7 vjet dëshmoi se vetëm dekorimin e zyrave të administratës dhe ahengje di të bëjë.

“E dua atë ditë si një ditë lotësh, dhimbjesh për ata që nuk i mbijetuan dot dhe pastaj lot gëzimi për shpëtimin e mijëra jetëve për solidaritetin e madh. E dua atë ditë si një ditë të madhe kombëtare e qytetare për forcën dhe mirësinë e shpirtit shqiptar që po sprovohet fortë. Do na sforcojë por do na bëjë më të mirë si njerëz por edhe si vend. Kini besim e bëni durim. Të shohim bashkërisht jo vetëm errësirën por edhe dritën që ka sjellë me vete kjo errësirë. Dritën që na kujton se jemi të gjithë njësoj. jemi të pandashëm nga njërit-tjetri në këtë atdhe për sa kohë do të kemi frymë.”