Ç’faj ka Amerika!
nga Agim Popoci
Në prag të 30 Qershorit, kur terrori policor në përpjekje për të arritur objektivat e Edi Ramës, ka arritur kulmin, dhe përplasjet Ram-Meta kanë shkatërruar gjithë piramidën institucionale shtetërore, të gjithë shqiptarë viktima të regjimit të Ramës, marrin edhe goditjen nga rrezja e vetme e diellit që kishin që nga viti 1945, Amerika.
Ndonëse doli nga goja e Zv/Nd.Sekretarit amerikan të Shtetit për Evropën, Matthew Palmer, dhe njeriu i linjës së George Sorosit, përkatësisht Edi Ramës, shqiptarët u goditën nga kjo rrufe në qiell të hapur sepse vinte nga zëri i tyre i shpresës, Zëri i Amerikës!
Shqiptarët e kanë gjithë të drejtën e zotit të zemërohen pas Dekretit të Presidentit kur dëgjojnë se Matthew Palmer bënë thirrje ta shkelin Kushtetutën dhe më pas ti drejtohen Gjykatës Kushtetuese nëse është 30 Qershori apo 13 tetori dita e zgjedhjeve.
Shqiptarët e kanë gjithë të drejtën e zotit të zemërohen kur dëgjojnë se edhe Edi Rama ashtu sikur se Matthew Palmer flet në emër të Washingtonit zyrtar, por ç’faj ka Amerika!
Shqiptarët duhet të luftojnë për të drejtat e tyre në Shqipëri duke pasur parasysh se Amerika dhe politika e saj e jashtme nuk luftojnë kundër interesave amerikane. Shembujt janë të shumtë por historia e afërt në Ballkan na tregoi se Amerika e ndali luftën në Bosnje Hercegovinë kur e pa të arsyeshme por jo edhe kur ndodhi Srebrenica ose masakrat tjera; Amerika ndihmoi Kosovën dhe ndaloi Millosheviçin kur e konstatoi se kush ishte ai; Amerika i tha UÇPMB-së se nuk ka luftë në Luginë e Preshevës por jo edhe UÇK-së disa muaj më pas në Maqedoni; Amerika e anëtarësoi Shqipërinë në NATO jo se ekzistonte një ushtri shqiptare por se kjo ushtri kishte një aleatë të fortë; Dhe, Presidenti i SHBA, George W. Bush tha në Tiranë se ka ardhur koha që Kosova të njihet shtet i pavarur edhe pse Presidenti Ahtisari me ekipin e tij negociator i angazhuar nga KS OKB po pritej ta jap fjalën e tij fundit.
Pra, nëse i kemi këto fakte parasysh, dhe bimë me këmbë në tokë, duhet të kujtojmë se edhe pas 8 vjet qeverisjeje të Partisë Demokratike me Kryeministër Sali Berishën, administrata ishte e mbushur me “palmer komunistë” sa zili do ti kishte edhe Enver Hoxha.
Të vizitosh Parlamentin e Shqipërisë, me kryetare Jozefina Topallin, ishte ngjashëm si të futeshe në KQ të PKSH. Çdo të përndjekuri politik, kur e takonte kriminelin Pashk Hjushin në korridoret e Kryesisë së Parlamentit, djalin e kriminelit Bajram Neza ose nipin e kriminelit injorant Manush Myftiu, i duhej një kalendar i besuar që të verifikonte në cilin vit jemi ose ti drejtohej psikologut!
Ose çdo hallexhiu në Bashkinë e Tiranë, kur takonte Drejtorin Rakip Balla që ishte Sekretari i Parë i PPSH Tropojë, nuk e kishte të qartë se ku ta kërkonte ndërhryjen për të kryer punë, tek PD apo PSSH!
Shembuj me sigurimsa në admnistratën shqiptare ka pafund. Madje, kur plasi dyert e administratës së shtetit me ardhjen në pushtet të hajdutëve të votës dhe jo vetëm, Edi Rama dhe Ilir Meta, Sigurimi i Shtetit u ul këmbëkryq e përfundoi deri në majat e Reformës së Drejtësisë me të cilën mburret Euralius, Opdat dhe Ambasadori Lu.
Sot, kur anëtar i KLP-së, organit më të lartë të prokurorisë shqiptare mund të jetë një punonjës i Sigurimit të Shtetit si Bujar Sheshi, e konfirmuar kjo nga Autoriteti për Informim mbi Dokumentet e Ish-Sigurimit të Shtetit dhe viktimat e tij, pse nuk mund të jetë cilido palmer pjesë e administratës amerikane.
Dhe, ajo që është më e rëndësishmja! Sot shqiptarët akuzojnë Presidentin Donald Trump pse nuk reagon ndaj politikës kriminale të Sorosit dhe Edi Ramës në Shqipëri, por gjatë fushatës presidenciale, nuk ngurruan të dalin edhe publikisht kundër tij duke iu bashkuar korit kriminal të Edi Ramës.
Në fund, shqiptarët antikomunist ose jo, mjafton ta lexojnë vetëm historinë tonë dhe të kuptojnë se mund të vazhdojnë ta duan Shqipërinë si gjithë Evropa, por aleati i vetëm shqiptar ishte dhe mbeti, Amerika!
