Çfarë lidhje ka Macron? Pas pretendimeve për lidhje me vrasjet dhe trafik droge, kë mund të arrestoj Vuçiç?!

Pas prezanatimit të dokumenteve nga policia dhe prokuroria franceze, nga Nënkryetarja e SSP-së Marinika Tepiç, të cilat, sipas saj, Prokuroria e Krimit të Organizuar e Serbisë i ka mbajtur në sirtar prej katër vitesh dhe nuk po vepron ndonëse tregojnë lidhjen e Filip Koraçit të dyshuar për kontrabandë droge dhe likuidime, me Presidentin e Serbisë, Aleksandar Vuçiç dhe vëllain e tij, Andrea, nuk duhet përjashtuar mundësia që Vuçiç, pas kësaj deklarate të Tepiçit, të realizojë ëndrrën dhe të arrestojë një nga prokurorët e Prokurorisë për krimin e organizuar, për të treguar se në atë prokurori ka realisht kriminelë që punojnë kundër tijë dhe se ai është ende ai që i mban të gjitha nën kontroll.

Hapur është dhe çështja se sa mund të përdoret natyra kriminale e regjimit në Serbi për shantazh nga vendet e tjera, që përbën rrezik ekzistencial për vendin, thonë ekspertët për të përditshmen serbe Danas, duke vlerësuar se cilat mund të jenë hapat e ardhshëm të presidentit serb, i cili u akuzua nga lideri i njërës prej partive opozitare për bashkëpunim me kriminelë.

Marinika Tepiç kujtoi se në vitin 2023, këto prova e çuan Filip Koraçin dhe bashkëpunëtorët e tij në burg në Francë me akuzën e trafikut të drogës, armëve, organizimit të grupit kriminal dhe likuidimit, por prokuroria serbe nuk veproi kundër atyre që bashkëpunuan me Koraçin.

Dhe jo vetëm kaq! Tepiç ka bërë të ditur se çdo ditë nga ora 13:00 do të publikojë informacione të reja në profilin e saj në rrjetin social Instagram, të cilat gjenden në dokumentet e policisë dhe prokurorisë franceze.

Dhe, Marinika Tepiç nuk priti shumë dhe mori përgjigje, së bashku me ofendime, nga Vuçiç, dhe, nga kryetarja e Parlamentit, Ana Brnabiç.

Presidenti i Serbisë pretendon se nuk e njeh Koraçin dhe se Koraç e ndoqi fëmijën e tij dhe donte ta vriste. Vuçiç e quajti Tepiçin një horr politik dhe i bëri thirrje prokurorisë të bëjë punën e saj.

Por, meqë Tepiç do të vazhdojë me publikimin e dokumenteve, shtrohet pyetja se si dhe nëse Vuçiç do t’i përgjigjet politikisht apo në ndonjë mënyrë tjetër këtyre pretendimeve serioze.

Avokati serb Ivan Niniç thotë për “Danas” se informacionet e paraqitura nga zonja Tepiç janë të njohura për publikun prej muajsh në qarqet gjyqësore dhe juridike, por edhe policore, që do të thotë se një numër i konsiderueshëm njerëzish e dinë se prokurorët në Prokurorinë për krimin e organizuar i kanë duart e lidhura dhe nuk lejohen të bëjnë asgjë në këtë rast, si dhe në rastet e tjera që do të tronditnin këtë regjim.

“Vuçiç ka mundësinë që ta injorojë të gjithë historinë dhe kështu të përpiqet t’i minimizojë efektet, por sigurisht që do të veproj në mënyrën e tij me akuzat se Marinika Tepiç gjoja është zëdhënëse e disa grupeve kriminale që gjoja po punojnë kundër tijë dhe vëllaiy të tij dhe nga të cilat ai nuk ka frikë,” thotë Niniç.

Mediat e tij, vijon ai, do të luajnë ashtu siç drejton ai, ndërsa për raportimin e mediave që nuk i kontrollon dot, do të thotë se gazetat janë mafioze dhe pjesë e “grupeve të presionit”, që kryejnë të ashtuquajturin revolucion me ngjyrë.

“Supozoj se Vuçiç do ta drejtojë gishtin kah rivalët e Filip Koraçit, për të cilët do të thotë se duan të përmirësojnë statusin e tyre penalo-juridik në procedurat e pambaruara ligjërisht, sepse ai në fund të fundit është një mjeshtër i madh për zëvendësimin e tezave,” vlerëson avokati Ivan Niniç.

Siç shton ai, “nga komunikimi i konfiskuar i Sky, del se një emër i rëndësishëm nga bota e krimit, përmes “oficerëve ndërlidhës” të tij, e lut që Vuçiç ta përmendë publikisht në kontekst negativ, sepse mendon se në këtë mënyrë ia ngre vlerësimin dhe i jep rëndësi, gjë që Vuçiç shpesh e bënte publikisht, që do të thotë se konfliktet dhe mosdurimi ishin në fakt vetëm pjesë e lojës dhe argëtim i lirë për popullin”.

“Qytetari mesatar nuk e kupton domethënien e disa fjalive, sulmeve dhe fushatave, por thelbi është se Vuçiç e dinte se kur dhe çfarë mesazhi duhej t’i dërgonte publikisht Filip Koraçit, Radoje Zvicerit, Luka Bojoviçit, Darko Elezit, Belivukut, Gorancit, por dhe Slavisha Kokezit dhe njerëzve që ai krijoi,” thekson Niniç.

Sipas tij, në rast se e gjithë historia shkon më tej, “Oscari ynë nga Sky” gjithmonë mund të arrijë me recetën e provuar t’i kërkojë Milosh Vuçeviçit të bëjë një kallëzim penal kundër tij dhe vëllait të tij, i cili do të pushohet menjëherë, pa asnjë kontroll serioz.

“Sidoqoftë, cilado që të jetë strategjia e tij në ditët në vijim, Vuçiç nuk mund ta mohojë faktin se të gjitha shërbimet e sigurisë botërore dhe evropiane e kanë në dorë dhe se ‘Sky’, si një doppler me ngjyra, ka treguar rrjedhën e gjakut të krimit të organizuar në Serbi, i cili mbështetet tek njerëzit në maje të pushtetit,” thotë avokati i njohur serb duke konstatuar se me të dhëna të tilla operacionale dhe prova që disponojnë autoritetet franceze, Serbia përfundimisht definitivisht nuk është një shtet sovran

“Dhe, është e qartë se Vuçiç duhet të blejë Rafales dhe Falcons nga Macron, të lidhë kontrata korruptive me ta për mbikëqyrjen e rindërtimit të hekurudhës dhe ndërtimin e metrosë së Beogradit, por edhe të marrë kredi të pafavorshme.”

Në fund, avokati serb Ivan Niniç nuk përjashton as mundësinë:

“Që, Aleksandar Vuçiç, pas kësaj deklarate të Marinika Tepiçit, do të realizojë ëndrrën dhe paralajmërimin për të arrestuar një nga prokurorët në Prokurorinë për Krimin e Organizuar, për të treguar se në atë prokurori ka realisht kriminelë që punojnë kundër tijë dhe se është ai që ende i mban të gjitha nën kontroll. Gjithsesi, prokurorët absolutisht nuk po i rezistojnë presionit nga kreu i shtetit dhe sabotimit nga policia e udhëhequr nga lojalisti Ninoslav Cmolić, dhe mbajnë përgjegjësi për mbajtjen e materialeve nga Sky në sirtarë.”

Të njëjtin mendim ka edhe avokati Vladimir Todoriç, i cili për “Danas” thotë se, nëse informacioni është i saktë se sigurimi francez ka dorëzuar prova në prokurorinë tonë për lidhjen e kreut të shtetit me kartelin e drogës, pyetja e parë që shtrohet është nëse prokuroria ka marrë ndonjë masë për këtë çështje dhe nëse jo, pse jo.

“Ky lloj informacioni do të ishte fantashkencë në një vend normal, por në Serbi, për fat të keq, duket shumë i mundshëm pas gjithçkaje që përjetuam me Belivukun, Hrkaloviçin, Jovanjicën dhe çështje të ngjashme. Unë nuk do të bëja vlerësimin derisa të shoh të gjitha provat që të them se sa realisht e inkriminojnë konkretisht Vuçiçin, por paraprakisht do të bëja një pyetje, kështu që le të jetë e parakohshme.

Nëse shërbimi i inteligjencës franceze e kishte këtë informacion zbuloi zonja Tepiç, atëherë ato në mënyrë të pashmangshme i ishin dorëzuar Presidentit të tyre Emmanuel Macron para vizitës së tij në Serbi në gusht të vitit të kaluar. A i përdori Macron ato të dhëna për të shantazhuar presidentin Vuçiç që ai t’i paguaj Serbisë 2.7 miliardë euro apo i konsideroi të parëndësishme ato të dhëna,” pyet Todoriç duke konkluduar:

“Shtrohet pyetja, sa mund të përdoret natyra e mundshme kriminale e regjimit në Serbi për t’u shantazhuar nga vendet e tjera, që është rrezik ekzistencial për vendin tonë.”