Çfarë turpi! Pas 12 vjetësh në pushtet, Spiropali të Përndjekurve Politikë: Çështja juaj, prioritet! 

Pas tre mandateve komuniste të pushtetit të Edi Ramës, mbushjes së administratës së shtetit me spiun të Sigurimit të Shtetit, në kërkim të mandatit të katërt, Kryetarja e Parlamentit, Elisa Spiropali, kujtohet se në këtë vend ka edhe të përndjekur politik, dhe pandehur na del se kjo çështje qenka edhe prioritet i kësaj mazhorance që deri më sot të vetmin prioritet kishte vetëm veten e vet.

Dhe, takon Kryetarin e Shoqatës Antikomuniste të Përndjekurve Politikë të Shqipërisë, Et’hem Fezollari, dhe Kryetarin e Këshillit Kombëtar, Sandër Marku, me të cilët, Kryetarja e Parlamentit, Elisa Spiropali thotë se ka diskutuar për përmirësimin e legjislacionit, programeve dhe shërbimeve në funksion të drejtësisë sociale dhe kohezionit shoqëror.

“Këto çështje po i trajtojmë me preokupim maksimal institucional, moral e njerëzor dhe respektin për vuajtjet dhe sakrificat e kësaj shtrese gjatë regjimit komunist. Kuvendi po punon dhe do të bashkëpunojë me Shoqatën Antikomuniste të të Përndjekurve Politikë Demokratë për përmirësimin e kuadrit ligjor dhe njëkohësisht nxit e monitoron institucionet shtetërore për të plotësuar të gjitha detyrimet për mbështetjen e ish të përndjekurve,” u shpreh Elisa Spiropali e cila kishte mbresa nga ky takim ku kuptoj historinë e guximshme të arratisjes me varkë të 16 anëtarëve të familjes Fezollari përmes Liqenit të Pogradecit, pleq e fëmijë, drejt Maqedonisë e më pas Australisë së largët, një ngjarje që, Kryetarja e Parlamentit thotë se Et’hemi e sjell me mjeshtëri në librin e tij “Varka e shpëtimit”.

Keqardhje, jo, kërkimfalje nuk i lejon partia e ndoshta as që e ka menduar, por, përtej politikës, thotë pas takimit Elisa Spiropali përmes rrjetit social Facebook, me ndjeshmëri institucionale, morale dhe njerëzore ndaj vuajtjeve dhe sakrificave të ish të përndjekurve gjatë regjimit komunist.

Përveç se turp, ky takim ndryshe nuk mund të pagëzohet!