Çifti më i moshuar në botë: Së bashkua janë 208 vjeç dhe festojnë 80 vjetorin e martesës

Japonia është e njohur me numrin e madh të 100-vjeçarëve që ka, por tashmë ky vend shënon edhe një rekord të ri për librin Guinnesss. Fjala është për çiftin bashkëshortor i cili së bashku janë 208 vjeç dhe shënojnë 80 vjetorin e martesës.

Masao Matsumoto 108 vjeç dhe bashkëshortja e tij Miyako 100 vjeçe tashmë edhe zyrtarisht, sipas të dhënave të librit të rekordeve Guinness,  janë çifti më i moshuar në botë. Janë celebruar në vitin 1937.
“Më vjen shumë mirë. Kjo martesë ka zgjatur duke ju falëndneruar durimit tim,” tha duke buzëqeshur Miyako, ndësa mbante në dorë çertifikatën, e gatshme për një foto të rastit pas zyrtarizmit të rekordit Guinness.

Çifti bashkëshortor thekson se nuk ka arritur kurrë ta realizoj ceremoninë e celebrimit pasi që në atë kohë Japonia po bëhej gati për luftë, e Masao u dërgua në front. Mirëpo, kjo nuk i ndaloi që të krijojnë një familje të madhe, kanë plotë 25 nipa dhe mbesa, e më i riu ka lindur para një muaji.

Ndryshe, ministria japoneze e Shëndetësisë para pak kohësh ka publikuar të dhënat se bazuar në jetëgjatësinë e qytetarëve të këtij vendi, me mesataren prej 82 vjetësh, Japonia renditet e dyta në botë, menjëherë pas Hong Kongut.