Çitjanet ia dha Delinës, vetë Edi Rama mbajti leksion: Korrupsioni, shumë më i madh në perceptim se në realitet!
Ndonëse ishte futur në rend dite të seancës plenare si interpelancë me Kryeministrin, Edi Rama nuk u shfaq por këtë rol shumë të vështirë ia kishte ngarkuar ministres së Ekonomisë, Delina Ibrahimi, duke u mjaftuar vetëm me çitjane në prezantim por jo dhe autoritet, ashtu siç bënte me pjesëmarrjet e tij në Bruksel, dhe vetë kishte vendosur të indoktrinoj studentët me një leksion mbi korrupsionin; Ku, pavarësisht se korrupsioni është buka dhe gjella për çdo shqiptar nëse mendon të mbijetoj në Shtetin e Ramës, sot Edi Rama tha se korrupsioni është shumë më i madh në perceptim sesa në realitet, edhe pse dihet që të gjitha mediat i ka nën kontroll dhe ato vetëm propoagandë qeveritare bëjnë.
“Korrupsioni është shumë më i madh në perceptim sesa në realitet. Jo se në realitet nuk është problem sepse akoma institucionet janë në formësim sepse çfarë e bën korrupsionin aktiv dhe të suksesshëm në të keq, është hapësira që ai gjen si alternativë për personin ose subjektin që kërkon të marrë një shërbim, të fitojë një të drejtë që institucionet nuk ia garantojnë,” tha Edi Rama pa sqaruar se pse nuk ka krijuar një strukturë të posaçme për ta luftuar përceptimin por ka pranuar të krijoj strukturë që lufton korrupsionin.
Por, shihet qartë se është Edi Rama ai që ka ngatërruar korrupsionin dhe përceptimin ndërsa qytetarët janë të qartë me këtë qeveri korruptive.
“Shpesh e ngatërrojnë korrupsionin me persona të këqinj që duhen çuar në ferr dhe të shpëtojmë. Patjetër që ata që kapen duke bërë korrupsion, duhen dënuar. Kjo nuk e çliron një vend nga korrupsioni. Duhet që korrupsioni të mos jetë një shërbim alternativ i suksesshëm,” tha Edi Rama por nuk tha atë që nuk e bëjnë as institucionet e drejtësisë që ka krijuar, SPAK e GJKKO, sekuestrimin e pasurive të krijuara nga ky korrupsion nga ana e zyrtarëve të lartë shqiptarë.
Në lidhje me procesin e integrimit në Bashkimin Europian, Edi Rama bëri shumë shkencë në bashkëbisedim me të rinjtë për anëtarësimin në BE, duke e cilësuar edhe fat në dorë të të mëdhenjve, por asnjë fjalë nuk e nxori nga goja për kritikat që ka marrë në lidhje me qëndrimin e skandalit “Balluku”, që nuk e kalon dot rrjetën e sundimit të ligjit.
“Po na buzëqesh fati se janë bashkuar të gjitha yjet dhe janë vënë rresht në mbështetje të kësaj ëndrre që ka qenë shekullore. Kemi bërë një punë të madhe, e them me plotë gojë, për ta ndryshuar. Shqiptarët që janë jashtë ose ikin jashtë, sapo tregonin pasaportën, diçka nuk shkonte me policin në kufi. Por ne kemi ndryshuar disa gjëra. Ti mund t’i bësh detyrat e tua të shtëpisë, por nëse vendet e mëdha, që vendosin fatet e të vegjëlve, s’e kanë në plan të të marrin në një nivel tjetër, ti se kapërcen dot,” tha Edi Rama duke thënë atë që vetëm ai e ka në mendje, por, Marta, as Kos, as UDB, as shpirti i shenjtë i Ursula von der Leyen.
“Sot jemi në kushtet kur vendet e BE duan të na marrin me vete. Siç thoshin dikur ata që udhëhiqnin dikur ku flisnin për horizontin e kuq, dhe këta mund të thonë; po ju pret horizonti blu. Por nuk është me fjalë, është me punë. Ne kemi qenë të zotë, por nga ana tjetër kemi pasur një palë që ka qenë e interesuar aq sa ne. Nëse pedagogu të sheh me paragjykim, apo i dhemb koka, dhimbja e kokës së tij mund të reflektohet te nota jote. Te vendet e mëdha, kjo është shumë e zakonshme. Nuk ka dalë ajo fjala kot që vendet e mëdha, bëjnë çfarë duan, vendet e vogla heqin çfarë duhet!”
Që Kryeministri Edi Rama ishte në kohën e gabuar dhe në vendin e gabuar e konfirmoi dhe fakti se ai vetë tha sot se ndonëse shumë qytetarë ndihen sikur Shqipëria është tashmë pjesë e Europës për shkak të lëvizjes së lirë, por, realiteti është ndryshe, shumica e studentëve që kishte përballë ishte e qartë sepse kishin lexuar ish-shefin e diplomacisë, Ditmirë Bushati, dhe e kishin parasysh se me çfarë injoranti eurointegrues po bashkëbisedojnë; BE mund të vazhdoj të shfaq interes për anëtarësimin e Shqipërisë në Bashkimin Evropian, por jo në rrugëtimin siç ëndërrojnë Edi Rama dhe homologu i tij serb Vuçiç, që vazhdojnë të theksojnë se janë paradhomën e BE dhe nuk e kanë të qartë se hyrjen në Zonën Schengen e kanë larg me vite drite.
