Çmendet Taulant Balla: Parlamenti i Holandës bënë atë që thotë Lulzim Basha!
Për deklarata të papërgjegjshme, kryetari aktual i Grupit Parlamentar të Partisë Socialiste, Taulant Balla, njihet që nga koha kur i lidhte këpucët Ish-kryetarit të PS dhe kryeministrit, Fatos Nano, por arsyetimi i tij për votimin e rikithimit të vizave ndaj Shqipërisë në Parlamentin e Holandës tejkalon çdo papërgjegjshmëri dhe fyerje të inteligjencës shqiptare; Madje sikur kjo të kishte ndodhur edhe në Librazhdin e Enver Hoxhës kur Taulanti këndonte dhe katunarët e tij, e kishin të ndaluar të hapin gojën.
Sot, në vitin 2019, kur të gjithë shqiptarët e dinë se ku i bie Holanda dhe jo siç thotë shoku Enver, Taulant Balla, duke folur në News 24 thotë se deputetja e cila ka ndërmarrë këtë nismë është mikeshë e ngushtë e kryetarit të Partisë Demokratike, Lulzim Basha. Dhe meqë është kështu puna, Parlamenti i Holandës bënë Rezoluta kundër Shqipërisë, sa herë t’ia do qejfi Lulzim Bashës!
Ja kush është shefi i deputetëve kriminel të rilindjes, tashmë së bashku edhe me “Opozitën e Edi Ramës”. Dhe jo vetëm kaq!
Duke e thënë në fillim një të vërtetë, Taulant Balla sqaron se Parlamenti i Holandës funksionon më ndryshe se tek ne, çdo deputet ka mendimin e tij. Pra, jo si tek shoku Gramoz, ku Lulzim Bashës nuk i lejohej të fliste, ama në Holandë ky Basha na e bëka namin:
“Së pari duhet të kuptojmë se Parlamenti i Holandës funksionon më ndryshe se tek ne, çdo deputet ka mendimin e tij. Deputetja që e propozoi rezolutën është mike e ngushtë e Lulzim Bashës. Populistët po përdorin çdo mjet, që të denigrojnë kombin shqiptar. Lidhur me këtë rezolutë. Nuk janë shqiptarët grupi problematik i krimit në Holandë. Kriminaliteti i shqiptarëve që jetojnë në Holandë është 20 herë më pak se i polakëve.”
Dhe Tualanti nuk shqetësohet pse ka krim në Shqipëri dhe jo vetë, ashtu siç kishte dhe ka drogë dhe ai e shefi i tij Edi Rama nuk e pranonin në vitin 2016 kur po ky paralment holandez fliste me zë, por e shqetëson reagimi politik ndërsa ngushëllohet se ka vende dhe kombe me kriminalitet edhe më lartë.
“Ajo që e bënë shqetësuese është reagimi i turpshëm politik që ndodh në Shqipëri. Frenat e dorës nga BE për regjimin e vizave ngrihen vetëm kur ka azilkërkues, ky ka rënë. Por, së bashku me këtë ka rënë edhe kriminaliteti. Reagimi Zyrtar i Holandës qetësoi shpirtrat e trazuar. Ne kemi një bashkëpunim të shkëlqyer mes të dyja vendeve. Ajo që është për të ardhur keq, është reagimi antishqiptar nga politika në vend.”
Në fund kryetari i Grupit Parlamentar të PS, Taulant Balla, duke theksuar se holandezët janë më kriminel se shqiparët flet edhe në emër të Brukselit zyrtar:
“Basha lobon në Holandë për këtë, por ky lobim nuk ka për ta dëmtuar Shqipërinë. Zyra e kryeministrit është në kontakt të vazhdueshëm, ndërsa vendi ynë ndodhet në një fazë shumë të rëndësishme dhe kjo është kyçe në hapjen e negociatave. Shqetësimi për krimin ka qenë edhe kur nuk ka patur viza. Shqiptarët nuk janë në vend të parë, por të parët janë vetë holandezët. Nuk jemi në një situatë alarmante. Ky propozim dhe kjo rezolutë i shkon qeverisë dhe më pas i përcillet BE-së. Kjo nuk ndikon, aspak, zero tek vizat!”
