Çmendet Vuçiçi: KFOR-i mashtroi serbët!
Pas arrestimit të 4 kriminelëve serbë në veri të Mitrovicës, Presidenti i Serbisë, Aleksadar Vuçiç zhvilloi takime të ndara me Ambasadorin e Rusisë dhe Kinës, Aleksandar Çepurin dhe Li Mançang. Dhe siç i takonte Tito dhe kënaqej me marrëdhëniet kinezo-ruse, edhe Vuçiç po u hedhë hi serbëve se çfarë alamet mbështetje kanë nga Kina e Madhe dhe Rusia.
Dhe jo vetëm kaq! Pas këtyre fjalëve, që Vuçiç vetë i shpikë, ai bjen në delir dh shkruan komunikatë për media ku thekson se Serbia nuk ka më arsye që të ketë besim në misionin e KFOR-it përkatësisht NATO-n sepse u dëshmua gjithçka që thanë për lëvizjen e njësiteve ROSU ishin sajesa.
Por çfarë u tha në këto dy takime, që u mjaftuan dhe nuk zhvilluan takime me ambasadorët e shteteve perëndimor. Presidenti serb Vuçiç dhe kryeministrja Ana Brnabiç kanë informuar ambasadorin e Kinës për situatën e krijuar dhe pas ndërhyrjes së njësitit ROSU në veri të Miktrovicës, ku Vuçiç e luti ambasadorin Li që ti përcjellë udhëheqjes kineze mesazhin se Serbia kurrë nuk ishte në situatë më të rëndës se sot, përkundër thirrjeve të vazhdueshme për paqe dhe stabilitet.
“Ndërhyrja e ROSU në veri të Mitrovicës tregon se forcat e KFOR-it, përkatësisht NATO, me qëllim kanë mashtruar opinionin serb dhe sot të gjithë e kanë të qartë se me urdhër të kujt dhe në bashkëpunim me kë kanë gënjyer përfaqësuesit e NATO-s,” tha Vuçiç.
Ambadsadori Li, sipas Zyrës së presidentit serb, tha se Kina shumë mirë e kupton se çfarë po ndodhë në Kosovë dhe se kemi të bëjmë me një skenar të njohur të sulmit mbi integritetin e Serbisë.
Dhe, meqë Presidenti kinez nuk ka se çfarë të bëjë sot, sipas presidentit të Serbisë, ambasadori kinez në Beograd e ka garantuar se për gjithçka do të informohet qysh sot dhe mund të llogaritë në mbështetjen e Kinës.
Vuçiç falënderon Çepurinin
Presidenti serb ka falënderuar ambasdorin rus Çepurin që Rusia e kupton atë që po ndodhë në Kosovë dhe sa janë të kërcënuar paqja dhe stabiliteti në rajon.
Vuçiç theksoj se kemi të bëjmë me përpjekjen më të fuqishme të kërcënimit të mbijetesës së serbëve në Kosovë por Serbia do të vazhdoj të jetë serioze dhe e përgjegjshme, por që nuk ka arsye të ketë më besim tek misioni KFOR, përkatësisht NATO, sepse u dëshmua se gjithçka që kanë thënë për lëvizjen e ROSU ishin sajesa.
Nga ana e tij ambasadori Çepurin tha se udhëheqja ruse me kujdes po përcjell zhvillimin e situatës, gjë që mund të konstatohet edhe me komunikatën e Ministrisë së Jashtme të Rusisë, dhe se beson që Serbia si shtet serioz do të dijë të përballoj provokimet dhe kërcënimet me konfrontim.
Të dy ambasadorëve, kryeministrja serbe i është ankuar edhe për vendosjen e taksës për produktet serbe 100 %, duke vazhduar të jetë e bindur se po bëhet shkelje e Marrëveshjes CEFTA, marrëveshje kjo të cilën Serbia nuk e ka rrespektuar për asnjë ditë.
Në mëngjes, pas arrestimit të 4 kriminelëve serbë në veri të Mitrovicës, Presidenti i Serbisë zhvilloi një mbledhje me shefin e ushtrisë serbe dhe policisë si dhe komandantët e të gjitha njësiteve speciale të ushtrisë dhe policisë.
Ndërkohë Sekretari i Përgjithshëm i Presidencës, Nikolla Selakoviç tha për televizionin publik serb, RTS, se Vuçiç sot nuk do të takohet me amabsadorët tjerë, siç ishte paralajmëruar.
