Çmendet Vuçiçi: Nëse më vrasin, ngelet djali Danilo. Nëse e vrasin, është Milica. Nëse e vrasin…

Presidenti i Serbisë, Aleksandar Vuçiç, në takimin e djeshëm me Kryeministren Ana Brnabiç dhe bashkëpunëtorët e tij më të ngusht, tha se “është i gatshëm të vdes, por pushtetin nuk do ta dorëzoj pa zgjedhje”, raportojnë sot disa media serbe proqeveritare.

“Kurrë dhe me asnjë lloj kushti nuk do të pranoj shantazhet, kurrë pas zgjedhje nuk do ja dorëzoj pushtetin më të këqinjëve. Kurrë nuk do të firmos kurrfarë qeverie teknike ose kalimtare! Nëse më vrasin do ngelet vëllau im Andreja. Nëse ma vrasin vëllaun, do ngelet djali Danilo. Nëse ma vrasin djalin, do ngelet vajza Milica. Nëse e vrasin edhe atë, do ngelet djali im Vukan…” është shprehur Vuçiç në këtë takim.

Pas kësaj deklarate të Vuçiçit ka reaguar ashpër përfaqësuesja e opozitës, Nënkryetarja e Partisë së Lirisë dhe Drejtësisë, Marinka Tepiç.

Duke folur në emisionin “Utisak” në televizionin Nova S, Marinika Tepiç, kërkoi nga bashkëpunëtorët e Vuçiçit që ta “përmendin sepse ai më nuk është në gjendje që të merr vendime”.

“Ka humbur fillin”

“Aleksandar Vuçiç flet për gjakderdhjen e fëmijëve të tij. ‘Nëse më vrasin mua, do ngelet vëllau im Andreja. Nëse ma vrasin vëllaun, do ngelet djali Danilo. Nëse ma vrasin djalin, do ngelet vajza Milica.’ Unë nuk po i besoj asaj që po lexoj, ky njeri nuk është më i aftë të marrë vendime. Unë vërtetë i bëjë thirrje miqëve të tij, bashkëpunëtorëve dhe këshilltarëve mediatik, që ta sjellin në vete. Njeriu i cili flet për gjakderdhjen e fëmijëve të vetë, në ditët kur Beogradi dhe Serbia vazhdojnë dhe vajtojnë për fëmijët që janë vrarë, dhe e ndanë këtë histeri, e ka humbur fillin,” tha Marinika Tepiç.

Se sa rëndë është Aleksandar Vuçiç flet edhe fakti se ditë më parë në emisionin Hit twit në televiionin Pink tha se nuk shanse ta pranojë qeverinë kalimtare dhe “mund vetëm ta vrasin”.

Ndërsa në postimin e fundit në rrjetin social Instagram, Presidenti i Serbisë, Aleksandar Vuçiç, flet për varre:

“Edhe hijet tona, edhe varret do të luftojnë me armiqtë e Serbisë. Falemnderit o popull për mbështetje!”