Çmendet Vuçiçi, përcakton edhe rolin e Kurtit në Bruksel: Nëse nuk flet për Asociacionin, s’ka pse vjen në takim!
Që Presidenti i Serbisë, Aleksandar Vuçiç, është i çmendur këtë nuk e ka pranuar deri më sot vetëm Kryeministri Edi Rama, por sa shumë i çmendur që është e konfirmoi vetë sot. Ndonëse ai nuk e ka ftuar Kryeministrin e Kosovës, Albin Kurti në Bruksel ai i përcakton atë që duhet të thotë në takimin e radhës në kuadër të dialogut Kosovë-Serbi.
“Nëse Albin Kurti mendon se nuk duhet të bisedoj për Bashkësinë e komunave serbe, por vetëm që Beogradi të thotë se Republika e Kosovës, është diçka që e pranon, nuk ka se pse vjen në Bruksel,” tha Vuçiç pas takimit me Anëtarin serb të Presidencës së BeH, Milorad Dodik, ndërsa iu përgjigj pyetjes rreth deklaratës së Kurtit se nuk mund të ketë Asociacion një-etnik.
Në këtë situatë, u pyet nëse kanë kuptim bisedimet me përfaqësuesit e BE dhe SHBA, dhe a pret që në takimin e Brukselit i cili pritet nga mesi i këtij muaji, të përballet me një ultimatum, ai e hodhi poshtë:
“Nuk mendoj që do të ketë ultimatum ose diçka të ngjashme. Kur isha në Shtëpi të Bardhë, unë nuk kam firmosur, dhe nga askush prej këtu nuk kisha mbështetje. Njerëzit nuk duhet të shqetësohen për gjëra të tilla,” tha Aleksandar Vuçiç por sa është në hall jo për atë që thotë Albin Kurti por rivalët e tij politik, e konfirmoj edhe paralajmëri se do ti drejtohet kombit:
“Nuk dua të flas për sulemt e atyre që kanë shkatërruar vendin, por të premtën me dokumente do të tregoj ku është e ardhmja e Serbisë dhe cila është e kaluara, dhe si nuk duhet të lejojmë që e kaluara të kthehet.”
Ndryshe, në orët e pasdites Aleksandar Vuçiç tha se do të takoj Zv/Ndihmës Sekretarin e Shtetit, Matthew Palmer, dhe Përfaqësuesin Special të BE për dialogun Kosovë-Serbi, Miroslav Lajçak, ku do ti kërkoj llogari pse nuk zbatohen marrëveshjet e firmosura ndërsa Albin Kurtin e kërcënoi:
“Kurti po shantazhon se si po bisedohet me te dhe si po e trajtojmë ne, paraprakisht mund ti them se do ta trajtoj si çdo përfaqësues të institucioneve të përkohshme. Ai mund të bëjë përpjekje që të bëjë diçka, por unë nuk do ta këshilloja!”
