Çmenduri shqiptare/ Sarandë, 25 mijë lekë një fileto viçi…

Bizneset ankohen për plazhet bosh, por si në çdo sezon vere edhe gjatë këtyre ditëve nuk kanë munguar shqetësimet e atyre turistëve besnik që nuk heqin dorë nga plazhet e jugut, në veçanti nga Saranda, aty ku çmimet vazhdojnë të jenë të kripura ashtu sikur se Deti Jon.

Dhe, publikimi i faturave nga në rrjetet sociale edhe gjatë kësaj vere nuk po mungon; Nëse i shtojmë këtij tmerri edhe kursin e ulët të euros, çmimet bëhen rrezik kombëtar edhe për buxhetin e shtetit.

Fatura e cila tashmë është futur në centrifugën e rrjeteve sociale dhe po bënë xhiron e botës, tregon se një fileto demi kushton 2.500 lekë të reja , një sallatë fshati kushton 700 lekë të reja ndërsa një racion djathë dhie kushton 650 lekë të reja.

Këto çmime janë të frikshme nëse krahasohen me ishullin e afërt grek të Korfuzit por duhet theksuar se kemi të bëjmë me çmime që nuk i gjenë dot në asnjë vend elitar të Shqipërisë, madje as në Tiranë, aty ku janë kolonat kryesore të ekonomisë shqiptare.

Në fund, kur kjo dukuri tashmë e përmotshme ka nxitur debatin në mes të lirisë së tregut dhe absurdit të ankesave për çmimet në restorante elitare në një vend si Saranda, bizneset e bregdetit shqiptar mund edhe të mos përfshihen fare në këtë debat.

Por, duhet ta kenë të qartë se shifrat e publikuara sot nga shteti fqinj, Mali i Zi, tregojnë se në Ulqinin e banuar me shqiptar, numri i turistëve është shtuar për 45 për qind në krahasim me vitin e kaluar. Pse?! Përgjigjen nuk e gjejnë në Ulqin por tek kjo faturë!