Çmenduria e BE/ Dekreti në Fletoren Zyrtare, Juncker: Zgjedhjet duhet të mbahen më 30 Qershor!
Pasi Dekreti i Presidentit të Republikës për anulimin e datës së zgjedhjeve, 30 Qershor, hyri në fuqi duke u publikuar edhe në Fletoren Zyrtare, Presidenti i Komisionit Europian, Jean Claude Juncker pas takimit me Kryeministrin Edi Rama tha se nuk dëshiron të ndërhyrjë në çështjet e brendshme por zgjedhjet duhet të mbahen më 30 Qershor:
“Nuk dua të ndërhyj në këtë debat të brendshëm mes Presidentit dhe Qeverisë. Nëse zgjedhjet duhet të ndodhin, askush nuk duhet t’i ndalojë. Jam në favor pa ndërhyrje në këtë proces. Këto zgjedhje duhet të zhvillohen, nëse jo dëmtojnë perspektivën evropiane,” tha Juncker dhe ndërkohë që fliste për rëndësinë e unitetit politik, në krah kishte njeriun që shkatërroi këtë unitet, Edi Ramën.
Për Komisionin Europian, tha Juncker, Shqipëria është gati për hapin e radhës, prandaj i kemi kërkuar Këshillit të BE hapjen e negociatave.
“Nëse i kërkojmë një vendi plotëso këtë apo atë dhe kur një vend i plotëson ne nuk kemi pse t’i themi jo hapjes së negociatave. Shqipëria ka plotësuar kërkesat, por nuk është sekret që disa vende kanë dyshime. Puna nuk ndalon në qershor, pavarësisht vendimit të Këshillit të BE Shqipëria do të vijojë me reformat.”
Në fund, edhe pse në asnjë nga Raportet e KE nuk ngritet si shqetësim kanabizimi i Shqipërisë, sot Presidenti i KE, tha se shembull I progresot ëshë lufta kundër kanabisit:
“Progresi i bërë sa i përket luftës kundër kanabisit është një shembull.”
Sot ndonëse si Jean-Claude Juncker ashtu dhe Edi Rama e dinë se nuk do të jenë ata që do të çelin negociatat e Shqipërisë me BE-në, kjo nuk i pengoi Kryeministrit Edi Rama të vazhdoj shfaqjen në Bruksel me Presidentin e KE që i ka mbaruar mandati:
“Jam shumë i lumtur që riafirmoj besnikërinë dhe miqësinë tuaj dhe gjithashtu besojmë që kur vendimi do të merret, të gjithë do të jenë në kor për t’i dhënë shqiptarëve atë që meritojnë. Zgjedhjet duhet të zhvillohen në kohë dhe askush nuk duhet t’i ndalojë.”
Ndërkohë Zëdhënësja e Përfaqësueses së Lartë për Politikë të Jashtme dhe Siguri pranë BE, Maja Kocijançiç pas takimit që Federica Mogherini zhvilloi me Kryeministrin Edi Rama thekson se KE i ka njohur rezultatet e prekshme të reformave, veçanërisht me reformën në drejtësi.
“Federica Mogherini mirëpriti sot në Bruksel kryeministrin e Shqipërisë, Edi Rama, pas rekomandimit të Komisionit Evropian për Këshillin e Evropës për të hapur negociatat, duke njohur rezultatet e prekshme të reformave, në veçanti me reformën në drejtësi,” shkruan Zëdhënësja e Federica Mogherinit e cila gjithashtu nuk do të jetë më në atë post, pas zgjedhjeve që u zhvilluan për PE.
