Çmenduria e opozitës kosovare, Donika Gërvallën e mbronë Ambasadori gjerman
Zëri i të vërtetës kosovare në Gjermani për dekada të tëra, Donika Gërvalla, sot ministre e Jashtme e Kosovës, u mbrojtë nga Ambasadori gjerman në Kosovë, Jorn Rohde, pas akuzave dhe përplasjeve në Parlament mes deputetëve të Partisë Demokratike të Kosovës që mendojnë se po bëjnë opozitë duke akuzuar gjithçka që ju del para, dhe Lëvizjes Vetëvendosje e cila është në pushtet dhe ngeli duke iu përgjigjë këtyre akuzave banale.
Ambasadori gjerman përmes rrjetit social Twitter i ka dalë në mbrojtje ministres së Jashtme të Kosovës, Donika Gërvalla, duke i konsideruar të papranueshme sulmet ndaj saj.
“Skenat e sotme në Parlament ishin të papranueshme për një Parlament. Unë gjithashtu i konsideroj të papranueshme sulmet personale kundër ministres Gërvalla,” tha Rohde në reagimin e tij përmes rrjetit social Twitter.
Ndryshe, pas aktualizimit të një deklarate të Donika Gërvallës për krerët e UÇK-së dhe Gjykatën Speciale, sot ndodhi një përplasje mes deputetëve të Partisë Demokratike të Kosovës dhe atyre të Lëvizjes Vetëvendosje në Parlamentin e Kosovës. Opozita e PDK doli jashtë kontrollit edhe ndër radhët e saj, sa dhe Donika Gërvalla, njëra ndër aktivistet më të shquara në Gjermani për lirinë e Kosovës dhe sot Ministre e Punëve të Jashtme, nga Shefi i Grupit Parlamentar të Thaçit u quajt “përfaqësuese e Serbisë”.
