ÇMENDURITË SHQIPTARO-SERBE/ Në Serbi i dënuar me burg, në Kosovë e zgjedhin gjyqtar të Gjykatës Kushtetuese
Shtetasi serb, Radomir Laban me fletarrest Interpoli i lëshuar me urdhër të Serbisë, është zgjedhur kryetar i Gjykatës Kushtetuese. Autoritetet serbe e kërkojnë Labanin për vuajtje dënimi me 6 vjet burg, i dënuar për marrje ryshfeti në çështjen që u pagëzua “Mafia doganore”, thekson e përditshmja serbe “Blic”.
Për Radomir Laban votuan 71 deputetë në Parlamentin e Kosovës, ndërkohë e përditshmja serbe mendon se ka shumë pak mundësi që për të kaluarën kriminale të këtij njeriu nuk kishin informacione.
Në mediat serbe dhe ato shqiptare nuk është thënë se kush e ka propozuar, dhe si kanë votuar deputetë e Listës Srpska që urdhërat i marrin nga Beogradi. “Blic” ka konstatuar lidhur me këtë çështje me përfaqësuesit e kësaj Liste, por në pyetjen për Labanin nuk kanë marrë përgjigje.
Vetëm Lëvizja “Vetëvendosje” e cila ka bërë thirrje që të verifikohet e kaluara e këtij njeriu por kjo nuk është përfillë por kjo nuk është përfillë qoftë edhe për të shuar dyshimet për manipulimin serb ose ndërhyrjen e Serbisë në punët e brendshme të Kosovës.
Ndërsa gazeta serbe “Insajder” duke ju referuar Gjykatës Themelore në Kralevë thekson se gjyqtari i ri i Gjykatës Kushtetuese të Kosovës është shpallur fajtor për shkak të marrjes së ryshfetit, dhe është dënuar me gjashtë vjet burg, duke llogaritur këtu edhe kohën e kaluar në paraburgim, 2 vjet e 4 muaj.
Në Gjykatën e Kralevës theksojnë se i dënuari Laban nuk i është përgjigjur thirrjes për vuajtjen e dënimit në burgun e Nishit, ndërkohë drejtoria e policisë në Kralevë është e informuar se ai është në territorin e Kosovës. Kjo është edhe arsyeja pse më 6 shkurtë të vitit 2013 është dhënë urdhër për të lëshuar fletarrest.
“Pas mbledhjes së dokumentacionit të domosdoshëm, Gjykata ka inicuar procesin pranë Ministrisë së Drejtësisë për të lëshuar fletarrest ndërkombëtar, dhe me Aktin e datës 3 shkurt të vitit 2014, Ministria informon gjykatën se Interpol Beogradit i është dhënë pëlqimin për shpalljen e fletarrestit ndërkombëtar për Radomir Labanin,” theksohet në përgjigjen e Gjykatës themelore në Kralevë duke shtuar se në nëntorin e vitit 2017 i janë drejtuar edhe EULEX-it në Prishtinë me kërkesën që Labanin ta dorëzojnë në vendkalimin kufitar pranë policisë serbe. Gjithashtu, përmes Ministrisë së Drejtësisë i kanë dorëzuar kërkesën Zyrës së përfaqësuesit special të BE në Prishtinë, që të marrin masa dhe ta privojnë nga liria Labanin, për të vuajtur dënimin në Serbi.
Gjyqtari i sapo zgjedhur i Gjykatës Kushtetuese të Kosovës është njëri nga 21 të dënuarit në vitin 2011 pranë Gjykatës speciale për krimin e organizuar në Beograd, në çështjen “Mafia doganore”, ndërsa në vitin 2013 atij si serb i kthyer në Kosovë i jepet banesë në Graçanicë, nga Ministri për kthim dhe komunitete, Dalibor Jevtiç
