Çmimet e larta tkurrin volumin tregtar, transporti i mallrave bie

Çmimet e larta të mallrave dhe lëndëve të para po frenon konsumin dhe aktivitetin e tregtisë me jashtë.

Të dhënat zyrtare nga INSTAT tregojnë se volumi i mallrave të ngarkuara/shkarkuara në porte, në muajin Maj 2022 është 345,4 mijë ton, duke u ulur me 13,9%, krahasuar me maj 2021.

Në 5-mujorin e parë të vitit 2022, volumi i mallrave të përpunuara në porte është 1.771,7 mijë ton, duke u ulur me 8,4%, krahasuar me 5-mujorin e parë të vitit 2021.

Në muajin maj 2022, volumi i mallrave të transportuara me hekurudhë është 1.618 mijë ton-kilometër, duke u ulur me 35,1%, krahasuar me Maj 2021. Në 5-mujorin e parë të vitit 2022, volumi i mallrave të transportuar me hekurudhë është 8.357 mijë ton për kilometër, duke u ulur me 35,4%, krahasuar me 5-mujorin e parë të vitit 2021.

Në muajin Maj 2022, volumi i mallrave të transportuar me ajër është 161,1 ton, duke u ulur me 17,8%, në krahasim me Maj 2021. Në 5-mujorin e parë të vitit 2022, volumi i mallrave të transportuar me ajër është 817,4 ton, duke u rritur me 1,4%, krahasuar me 5-mujorin e parë të vitit 2021. Në Maj 2022, numri i fluturimeve të kryera është 3.588, duke u rritur me 2,2 herë, në krahasim me muajin Maj 2021.

Në Maj 2022, numri i pasagjerëve që udhëtojnë me linjë detare është 65.599 pasagjerë. Krahasuar me Maj 2021, ky tregues është rritur me 80,2%.

Në 5-mujorin e parë të vitit 2022, kanë udhëtuar me linjë detare 240.873 pasagjerë, duke u rritur me 55,3%, krahasuar me të njëjtën periudhë të vitit 2021.

Në Maj 2022, numri i pasagjerëve që udhëtojnë me linjë hekurudhore është 1.882 pasagjerë. Krahasuar me Maj 2021, ky tregues është rritur me 2,9 herë. Në 5-mujorin e parë të vitit 2022, kanë udhëtuar me linjë hekurudhore 7.626 pasagjerë, duke u rritur me 3,4 herë, krahasuar me të njëjtën periudhë të vitit 2021.

Në muajin Maj 2022, transporti ajror i pasagjerëve zë 87,0 % të transportit gjithsej. Numri i pasagjerëve që kanë udhëtuar me linja ajrore, në Maj 2022 është 450.796 pasagjerë, duke u rritur me 2,9 herë, krahasuar me Maj 2021. Numri i pasagjerëve që kanë udhëtuar me linja ajrore, në 5-mujorin e parë të vitit 2022 është 1.598.066 pasagjerë, duke u rritur me 3,2 herë, krahasuar me 5-mujorin e parë të vitit 2021.

Në Maj 2022, vlera e mallrave të tregtuara (eksport dhe import) është 124,6 mld lekë ku 51,9% e tyre u transportua me det. Në 5-mujorin e parë të vitit 2022, vlera e mallrave të tregtuara (eksport dhe import) është 571,9 mld lekë ku 51,2% e tyre u transportua me det.

Eksportet e mallrave Në Maj 2022, mallrat e eksportuara me det zënë 57,6%, me tokë 35,5% dhe me ajër 0,2%. Mallrat e eksportuara me tokë në Maj 2022 janë rritur me 22,0%, krahasuar me Maj 2021.

Në Maj 2022 mallrat e importuara me det zënë 48,7%, me tokë 45,7% dhe me ajër 2,5%.

Mallrat e importuara me tokë në Maj 2022 janë rritur me 23,6%, krahasuar me Maj 2021./Monitor/