Çmimi Nobel në Mjekësi për tre shkencëtarë, zbulime mbi tolerancën imunitare

Çmimi Nobel i këtij viti për Mjekësinë iu dha shkencëtarëve Mary E. Brunkow , Fred Ramsdell dhe Shimon Sakaguchi. Ata vlerësohen për zbulimet e tyre në lidhje me tolerancën imunitare periferike, thekson Komitetit Nobel në Stockholm.

Ata identifikuan rojet e sigurisë së sistemit imunitar, qelizat T rregullatore, duke hedhur kështu themelet për një fushë të re kërkimore. Zbulimet kanë çuar gjithashtu në zhvillimin e trajtimeve të reja, për shembull për kancerin dhe sëmundjet autoimune.

Shpresa është të jemi në gjendje të trajtojmë ose shërojmë sëmundjet autoimune, të ofrojmë trajtime më efektive për kancerin dhe të parandalojmë ndërlikimet serioze pas transplanteve të qelizave staminale.

Çmimi Nobel për Fiziologji ose Mjekësi është dhënë 115 herë. Nga viti 1901 deri në vitin 2024, ky çmim iu dha 229 shkencëtarëve.