Çudi rilindase, xhelozon e përdhunuara. Po, po, e thotë deputeti…

I akuzuari kur mohon akuzat është më shumë se normale, por kur një përdhunues thotë se viktima ishte xheloze, kjo pastaj kalon ylberin, madje edhe atë të Rilindjes.

Këtë e thotë përfaqësuesi i popullit, pa e zgjidhur çështjen me viktimën, denoncuesin i cili kishte marrë denoncimin nga viktima dhe policinë që mbron jo vetëm këtë përfaqësues të popullit por edhe të birin që ka kryer këtë akt kriminal. Po, është deputeti i Partisë  Socialiste, Rrahman Rrahja, i cili në një intrevistë për gazetën “Panorama” përveç se mohon akuzat e ngritura nga Nënkomisari Emiljano Nuhu shprehet se nuk e ka takuar asnjëherë oficerin e policisë Nuhu, ndërsa i cilëson akuzat e bëra ndaj tij si sajesë. Ai tregon dhe precedentin e djalit të tij që e lidh me stacionin e policisë së Fushë Krujës.

Deputeti socialist tregon se ka patur një denoncim nga një vajzë, me të cilën ka patur një lidhje dhe është ndarë. E nxitur nga xhelozia, vajza ka bërë në polici një denoncim të cilin më pas e ka tërhequr.

Madje, sipas tij, vajza të nesërmen e denoncimit iu përgjigj edhe akuzave për përdhunim të bëra nga ish kryeministri Berisha, duke deklaruar se familja Rrahja është një familje e nderuar në Krujë dhe nuk meritonte ato akuza.

Sipas deputetit kjo marrëdhënie xhelozie mes djalit dhe vajzës është zgjidhur mes tyre dhe nuk ka patur  asnjë problematikë tjetër mes Policinë e Krujës dhe Ligjin.

Rrahja mohon gjithashtu akuzat se në stacionin e policisë ai ka qenë bashkë me të vëllanë dhe persona të tjerë siç e akuzon Nënkomisari i policisë, Emiljano Nuhu.