Çudia “Saimir Tahiri”/ Dëmtuesi kërpudhës arrestohet me FNSH, Trafikantit Ndërkombëtar të Drogës i dërgohet ftesa për Gjykatë

Reforma e Drejtësisë së Edi Ramës, me të cilën mburret në çdo rast, si me të rilindas të Mjaftit ashtu edhe ata të PS, sot, kur Prokuroria ka mbyllur hetimet dhe merr si të pandehur Ish-Ministrin e Brendshëm, Saimir Tahiri dëshmon se është shumë më keq se në kohën kur nuk i kishte futur duart Edvin Kristaq Rama me shuprrën e tij të Vettingut.

Drejtësia e vettinguar, një të pandehur që i ka dëmtuar kërpudhën Edi Ramës para kryeministrisë e arreston me Forcat e Ndërhyrjes së Shpejtë, pa i bërë të ditur akuzën, pa e ftuar por ama duke i servirur një terror shtetëror përmes policisë së Ish-Gjeneralit Sandër Lleshaj.  

Sot, Gjykata e Edi Ramës pasi ka marrë nga Prokuroria e Krimeve të Rënda  dosjen penale ndaj Saimir Tahirit e ka thirrur për tu paraqitur nesër më 28 Shkurt në orën 13:00, për tu njohur  me akuzat zyrtare të Prokurorisë.

Kjo nuk është çudia, por çudia fillon këtu. Saimir Tahiri akuzohet për Trafik Ndërkombëtar Droge në Bashkëpunim, Grup të Stukturuar Kriminal dhe Shpërdorim Detyre së bashku me 3 Ish-Zyrtarët e lartë të policisë së Vlorës, Jaeld Çela, Gjergji Kohila dhe Sokol Bode, dhe i dërgohet thirrja për tu paraqitur në Gjykatë!

Ndërkohë dëmtuesit e kërpudhës tërhiqen zvarrë me FNSH, në sy të familjarëve, dhe “gjejnë” edhe një sy kamere që kap gjithë këtë spektakël në mënyrë që ti tregohet përmes ekranit opinionit të gjërë, se çfarë ndodhë kur e mbështetë Lulzim Bashën; Dhe, sot, çfarë ndodhë kur je Trafikant Ndërkombëtar i Drogës, krijon Grup të Strukturar Kriminal dhe Shpërdor Detyrën Zyrtare. Sipas zhargonit kriminal të Kryeministrit, kjo është “Drejtësia që duam”!