Çudira evropiane/ E kishte humbur në 1997, shqiptari sheh këmbën e prerë në paketë cigaresh
Një 60 vjeçar shqiptar i cili jeton në Francë, është habitur kur pa se këmba e tij e prerë ishte përdorur në një paketë cigaresh, pa lejen e tij.
Në shërbim të senzibilizimit të luftës kundër duhanit, përdoren foto të pasojave të ndryshme që shkakon pirja e duhanit. Në rastin konkret fotoja është vendosur në një pako cigareje të Bashkimit Europian me mbishkrimin: “Pirja e duhanit bllokon arteriet e gjakut”
Në luftën shumë të diskutueshme kundër pirjes së duhanit, rasti i shqiptari i cili jeton në Metz të Francës, njollos edhe më shumë propagandën e shpifur që përdorin kompanitë e ndryshme pa respektuar kurrfarë kriteri. Pra, sipas ligjeve të BE-së reklamohen pasojat e prijes së duhanit edhe kur këto pasoja kanë shkaktarë krejtësisht të ndryshëm.
Shqiptari i cili jeton në Metz të Francës, nuk tha se nuk pin duhan por këmbën e ka humbur këmbën gjatë trazirave të vitit 1997 në Shqipëri.
Avokatët po kontaktojnë Komsiionin Europian për të zbuluar se çfarë ka ndodhur.
Si u zbulua fotoja?
Djali i 60 vjeçarit rastësisht kishte parë foton kur kishte blerë një paketë cigare në Luksemburg vitin e kaluar shkruajnë mediat franceze.
Ai e kishte njohur për shkak të shenjave dhe cikatriqeve. Pasi kishte dërguar paketën e cigareve në shtëpie kishte konfirmuar edhe i ati që ajo ishte këmba e tij.
Burri thotë se nuk ka dhënë kurrë leje që fotoja të përdoret dhe beson se ajo është marrë në një spital ku kishte shkuar për tu pajisur me këmbë protezë.
“Është e pabesueshme që një person sheh që fotoja e tij është përdorur në një paketë cigaresh pa miratim” thotë avokati Antoine Fittante.
“”Klienti im ndihet i tradhëtuar,dhe i është lënduar duke parë këmbën e tij të prerë në një paketë cigaresh. Duhet ta pranojmë se kjo nuk është e këndshme”
Avokati i ka shkruar spitalit për të mësuar si ka mundësi që fotoja ka dalë nga ai spital.
Ndërkohë Komisioni Evropian është kontaktuar pasi rezulton përgjegjës për shpërndarjen e imazheve të tilla në të gjitha paketat e cigareve në BE.
Avokati Fittante thotë se zakonisht Komisioni përdor foto nga databasi i tij të cilat janë të verifikuara dhe të publikuara me konsensusin e personit që i përket.
