Daçiç: Me kundërshtimin e Papës, Kisha serbe dëmtoi luftën e Serbisë kundër Kosovës

Ministri i Punëve të Jashtme të Serbisë, Ivica Daçiç, tha se kupton  kundërshtimin e Kishës Ortodokse Serbe për vizitën e Papës, si personalitet i parë i fesë katolike, por ai është edhe personalitet politik, dhe roli i Vatikanit është i një rëndësie të veçantë në luftën e Serbisë kundër Kosovës.

“Do të doja që rreth kësaj të arrihej pajtimi e sidomos do të dëshiroja që të kontribuojmë rreth kësaj çështje, sepse është në interes të shtetit e të kombit, ngase do të ishte katastrofale që Papa Françesku ta vizitonte Kosovën, ndërkohë që të mos vizitonte Serbinë”, tha Daçiç për televizionin TVPink.

Daçiq tha se Serbia, së bashku me Vatikanin, do duhej ta trajtonin çështjen e Kosovës si çështje që dëmton katolicizmin, sepse Kisha Ortodokse Serbe nuk mundet ta bëjë këtë si e vetme. Me këtë rast ai e pranoi se marrëdhëniet serbe me Vatikanin janë të ndërlidhura me marrëdhëniet rreth Kroacisë, por, tha ai, kjo duhet të tejkalohet.

“Është e qartë se çfarë lloj kundërshtimesh kemi ndaj sjelljes në Luftës së Dytë Botërore, por këto vërejtje ndaj Papës dhe Kishës Katolike kanë edhe të tjerët që ishin viktima të asaj lufte dhe roli i tyre është ende problematik dhe i diskutueshëm”.

Shefi i diplomacisë serbe ndërkohë iu kthye edhe disa komenteve të shpeshta të shfaqura  nëpër medie se Papa asnjëherë nuk ka shprehur dëshirën ta vizitonte Serbinë dhe para kamerave është paraqitur dokumenti, ku i ngarkuar me çështje të Vatikanit, më 2016 iu kishte drejtuar presidentit Tomisllav Nikoliç.

Në dokument thuhej se Papa ka pranuar ftesëne  kryetarit të Serbisë, Tomisllav Nikoliç,  ku ishte propozuar data e vizitës, që ishte më 21 dhe 22 maj, 2016.

“Por presidenti Nikoliç është konsultuar me përfaqësuesit e Kishës Ortodokse të Serbisë, dhe vizita e Papës u anuluar. Kjo është shumë gabim dhe e dëmshme, sepse po luajmë me interesat tona kombëtare. Unë respektoj të gjitha arsyet e kishës sonë, por ardhja e Papës është në interesin tonë “, theksoi ish-zëdhënësi I Sllobodan Millosheviçit i cili është më i informuari për pësimet e shtetit serb për shkak të sjelljes së Serbisë ndaj Vatikanit që nga fillimvitet ’90-të. Duke theksuar se është e domosdoshme që zyrtarët serbë të takohen me kreun e Kishës katolike përfundoi:

“Thaçi, Haradinaj e të tjerë shkojnë për vizitë te Papa, thuaj se çdo muaj dhe kërkojnë njohjen e Kosovës, ndësa ne refuzojmë Papën të na vizitojë vendin tonë dhe që së bashku të luftojmë për interesat tona.”