Daçiç: U eliminua Faton Hajrizi!
Ministri i Punëve të Brendshme të Serbis, Ivica Daçiç ka bërë të ditur se autori i vrasjes së policit serb, shtetasi kosovar Faton Hajrizi është eliminuar!
“Pjesëtarët e policisë kanë eliminuar në afërsi të qytetit të Loznicës, vrasësin e policit,” tha ministri i Punëve të Brendshme, Ivica Daçiç, duke saktësuar se bëhet fjalë për Njësitin special antiterror.
Në orët e mëngjesit, në afërsi të Fabrikës Viskoza, ku strehohen emigrantët ilegal deri në kalimin e kufirit, janë parë forca të mëdha policore ndërsa lajmin për eliminimin e Faton Hajrizit e kanë raportuar mediat e afërta me Presidentin Vuçiç duke publikuar dhe foto, për ta zyrtarizuar në fund dhe i pari i policisë serbe Ivica Daçiç.
Mbrëmjen e së mërkurës, sipas policisë serbe, rreth orës 00:55 në një pikë kontrolli në Loznicë, zyrtari policisë i Pikës Kufitare Trbushnica, ka ndaluar një makinë të tipit benz me targat e Tutinit ku ishin dy persona.
“Me rastin e daljes nga makina, një person ka gjuajtur me revole duke qëlluar në gjoks zyrtarin policor, Nikola Krsmanoviç, 34 vjeç, ndërsa zyrtari policor Vjekoslav Iliç, 50 vjeç, u qëllua në krah, dhe u largua. Të dy zyrtarët policor u dërguan në Spitalin e Loznicës, ku Krsmanoviç ndërroi jetë,” raportoi Policia e Serbisë.
Fillimisht Policia e Serbisë akuzoi Artan Hajrizin, 33 vjeç, bazuar siç u tha në pasaportën kosovare të gjetur në vendin e ngajres. Sot, ministri serb Daçiç, kur deklaroi vrasjen e autorit tha se bëhet fjalë për Faton Hajrizin.
