Daimler, miliarda euro humbje

Prodhuesi i automobilëve Daimler, humbjet i njihte vetëm me të dëgjuar. Por tani ky problem e ka prekur edhe koncernin prestigjoz. Koncerni do t’i bëjë ballë krizës duke marrë masa kursimesh.

Rënia  e blerjeve në mbarë botën dhe problemet e kushtueshme – kryesisht me automjetet me naftë – i kanë sjellë humbje në bilanc, në tremujorin e dytë të vitit prodhuesit Daimler. Në tremujorin e dytë prodhuesi i automjeteve të kategorisë superiore ka pasur një humbje neto prej 1.2 miliardë eurosh, sikurse komunikoi sipërmarrja të mërkurën , pas një fitimi me 1.8 miliardë euro në të njëjtën periudhë të një viti më parë, raporton DW.

Si arsye koncerni ka përmendur tërheqjen e automjeteve me naftë për shkak të skandalit të emtimeve si dhe për një seri me probleme të Airbag-ut. Po ashtu Daimler prej disa kohësh ka nisur të ndjejë renien në shumë tregje, që është reflektuar në xhiron e koncernit. Kësaj i shtohen edhe vështirësitë e ecurisë me modelet e reja.