Dalin pamjet/ Ja si nisi sherri që çoi më pas në përplasjen e Bllokut, me epilog fatal…

Publikohen pamjet e një sherri të ndodhur disa ditë më parë në një lokal në kryeqytet. Nga këtu mendohet të ketë nisur e gjitha, që çoi më pas në përplasjen e mbrëmshme në një tjetër lokal me epilog fatal, një i vrarë dhe dy të plagosur.

Sipas Abc News, sherri ka nisur disa ditë më parë dhe shkak mendohet të ketë qenë kengetarja Elvana Gjata. Ndërkaq, mbrëmë në lokalin ku ndodhi krimi, dy palët kanë kërkuar të sqarohen për konfliktin e mëparshëm por e gjitha ka degraduar në përplasje me armë me pasojë një të vdekur dhe dy të plagosur.

Sipas informacionit zyrtar të policisë, viktima është Fabiol Gaxha, 28 vjeç, ndërsa dy të plagosurit janë Ervis Martinaj 36 vjeç, banues në Tiranë dhe Eljon Hato,  28 vjeç, banues në Shkodër. Ndërkaq janë shpallur në kërkim 3 persona, mes të cilëve i dashuri biznesmen i Elvana Gjatës, Ervin Mata 31 vjeç, banues në Tiranë. Dy të tjerët e shpallur në kërkim janë Fabio Allushi,  42 vjeç, banues në Tiranë dhe Merviol Bilo, 41 vjeç, banues në Tiranë.