DASH dënon sulmin e Vuçiçit ndaj Edward Joseph!
Nuk ka vend në shoqëritë demokratike për taktikat e njollosjes kundër qytetarëve, sikurse ato që janë përdorur ndaj Edward Joseph, u shpreh Departamenti amerikan i Shtetit për Evropën dhe Azinë.
Përveç këtij njoftimi përmes rrjetit social Twitter, Joseph e publikoi edhe deklaratën ku ai tha se presidenti i Serbisë, Aleksandar Vuçiç, ka bërë akuza serioze dhe të pabaza ndaj tij gjatë një paraqitjeje të liderit serb në një televizion në Serbi më 30 dhjetor.
Departamenti amerikan i Shtetit shtoi se zërat e pavarur dhe organizatat e shoqërisë civile promovojnë llogaridhënien dhe transparencën.
“Ne vlerësojmë ata që ndërtojnë shoqëri paqësore në Ballkanin Perëndimor.” tha DASH.
Ky postim në Twitter u shoqërua me një fotografi të Josephit me Ndihmëssekretarin amerikan të Shtetit për Evropën dhe Euroazinë, Gabriel Escobar.
Smear tactics against private citizens, like those used against @edwardpjoseph, have no place in democratic societies. Independent voices and civil society organizations promote accountability and transparency. We value those building a peaceful society in the Western Balkans. https://t.co/uJpm7xTZII pic.twitter.com/9D6r2HxfdS
— DoS Europe and Eurasia (@StateEUR) January 9, 2023
Çfarë tha Vuçiçi?
Më 30 dhjetor, gjatë një paraqitjeje në televizionin Prva, Aleksandar Vuçiç, e quajti Edward Josephin, – ligjërues në Universitetin Johns Hopkins dhe ish-kreu i misionit në Kosovë të Organizatës për Siguri dhe Bashkëpunim në Evropë – “bot shqiptar” lidhur me atë që Joseph kishte deklaruar një ditë më parë në një intervistë dhënë për RFE.
Duke e quajtur “bastard” Josephin, Vuçiç po ashtu deklaroi për televizionin serb se ky ekspert i Ballkanit merr “shumë para nga lobi shqiptar”.
Presidenti serb nuk ofroi dëshmi për këto pretendime.
Çfarë tha Joseph në intervistë dhe pas deklaratës së Vuçiçit?
Gjatë intervistës për RFE, mes tjerash, Joseph potencoi se sa i përket barrikadave të ngritura nga një grup i serbëve lokalë në veri të Kosovës, që bllokuan rrugët për pothuajse tri javë, Vuçiç “po manipulonte Shtetet e Bashkuar dhe Bashkimin Evropian”.
Ai po ashtu tha se qetësia në Kosovë, pas heqjes dorë nga barrikadat, do të zgjasë “deri kur Aleksandar Vuçiç të vendosë se i duhet një krizë e re në Kosovë”.
Pas akuzave të Vuçiçit, Joseph u shpreh përmes rrjetit social Twitter se ato janë “krejtësisht të rreme” sa i përket lidhjeve të pretenduara financiare mes tij dhe “lobit shqiptar”.
On 30 December, President @avucic forcefully alleged on Serbian TV that I am an Albanian agent, “getting lots of Albanian cash”, only a portion of which I report as income. ? 1/ https://t.co/LT6oKao6pe
— Edward P. Joseph (@edwardpjoseph) December 31, 2022
“Alekskandar Vuçiç nuk ka dëshmi për t’i mbështetur këto akuza serioze sepse lidhje të tilla nuk ka dhe nuk ka pasur asnjëherë. Qëndrimet e mia janë produkt i dhjetëra viteve në terren – në të gjitha konfliktet në Ballkan, përfshirë edhe vitet e luftës,” tha Joseph përmes rrjetit social Twitter.
Duke e ofenduar dhe sulmuar personalisht atë, shtoi ai, Vuçiç tregoi edhe një herë karakterin e tij.
By suggesting that I am shilling for cash, Vucic also opens the door to questions about who #Belgrade & Banja Luka are paying for influence – and what policies/projects they are pushing – in #Washington. 7/
— Edward P. Joseph (@edwardpjoseph) December 31, 2022
“‘Nepristojan’ është një fjalë e sjellshme serbe për sjelljen ngacmuese të Vuçiçit. Diplomatët duhet të respektojnë zyrën e presidentit serb. Banorët? Jo dhe aq,” tha Joseph./RFE/
