DASH: Do të vazhdojmë t’i kërkojmë Serbisë të ul tensionet dhe të kthehet në dialog

Ne do të vazhdojmë të inkurajojmë Qeverinë e Serbisë të ulin tensionet dhe të kthehen dialogut, tha qartë Departamenti amerikan i Shtetit, DASH, përmes zëdhënësit Matthew Miller, ndërsa foli dhe për zgjedhjet e 17 dhjetorit në Serbi dhe kontestimin e tyre nga OSBE.

“Pretendimet për parregullsi të raportuara si nga OSBE-ja ashtu edhe nga ekipet e tjera të vëzhgimit të zgjedhjeve duhet të hetohen, dhuna e drejtuar ndaj autoriteteve zgjedhore, gazetarëve, vëzhguesve të akredituar, për të cilat kemi parë raporte, është e papranueshme. Ne do të vazhdojmë t’ia bëjmë të qartë Serbisë që të punoj me OSBE-në për të adresuar këto shqetësime që janë ngritur,” tha Miller duke kërkuar nga Serbia që t’i kthehet dialogut me fqinjët.

“Unë do të them në lidhje me Qeverinë në Beograd dhe veprimet në rajon. Ne do të vazhdojmë t’i inkurajojmë të ulin tensionet dhe t’i kthehen dialogut të lehtësuar nga BE-ja, pasi që ka të bëjë me fqinjët e tyre.”

Në fund, zëdhënësi i Departamentit të Shtetit, Matthew Miller, tha se Serbia akuzohet edhe për ndërhyrje në çështjet e brendshme të Bosnje Hercegovinës dhe Malit të Zi.