DASH Tom Doshin e shpalli NON GRATA, Kim: Shqiptarët meritojnë më mirë!
Nga thirrja për lista zgjedhore pa kriminel, Ambasadorja e SHBA në Tiranë, Yuri Kim, shkoi një hap para duke folur me emra konkret që nuk kanë vend në garën e 25 Prillit. Sot ajo foli për Tom Doshin të cilin DASH e shpalli NON GRATA.
“Ndërsa autoritetet zgjedhore të Shqipërisë përgatisin zgjedhjet, ia vlen të kujtohet ky emërim, i bërë nga Sekretari i Shtetit i SHBA pas shqyrtimit të kujdesshëm të informacionit,” thekson Ambasadorja amerikane në Tiranë, Yuri Kim, përmes rrjetit social Twitter duke përfunduar:
“Me siguri, votuesit e Shqipërisë meritojnë më mirë.”
Ndryshe, në vitin 2018 Departamenti Amerikan i Shtetit e shpalli deputetin Tom Doshi person të papërshtatshëm për të hyrë në SHBA, pasi akuzohet për korrupsion.
