Data e re e zgjedhjeve/ Presidenti nis konsultimet. Ja axhenda…

Pas publikimit të Dekretit i cili anulon datën e zgjedhjeve 30 Qershor, në Fletoren Zyrtare, Presidenti i Republikës nis sot konsultimet për të caktuar datën e re të zgjedhjeve.

Burime nga Presidenca bëjnë të ditur se takimi i parë që do të zhvillohet është ai me krerët e partive të Grupimit të Qendrës se Djathtë, të cilët i bënë dhe kërkesë zyrtare Presidentit që të ndërhyjë për zgjidhjen e krizës politike.

“Presidenti Meta nis sot konsultimet me partitë politike për caktimin e datës së zgjedhjeve. Takimet e para sot në ora 19:00 me krerët e partive te Grupimit të Qendrës se Djathte,” thekson Presidenca për takimin i cili do të nis sapo Presidenti Meta të jetë kthyer nga Kosova ku do të marrë pjesë në festimet e 20-vjetorit të çlirimit të Kosovës”.