Data e zgjedhjeve lokale, Presidentja e Kosovës fton partitë politike në takim për konsultim
Presidentja e Kosovës, Vjosa Osmani, ka ftuar subjektet politike për tu konsultuar rreth datës së zgjedhjeve lokale, në një takim që pritet të mbahet nesër, më 4 qershor 2025, në Presidencë .
“Në bazë të kompetencave kushtetuese, Presidentja Osmani ka ftuar subjektet politike në takim të mërkurën, më 4 qershor 2025, për konsultime për caktimin e datës së zgjedhjeve lokale. Menjëherë pas konsultimeve, Presidentja do të caktojë datën e zgjedhjeve,” ka bërë të ditur Këshilltari për media i Presidentes së Kosovës, Bekim Kupina.
Diskutimet për datën e zgjedhjeve lokale po zhvillohen në kohën kur në Kosovë janë zhvilluar zgjedhjet parlamentare më 9 Shkurt 2025 por deri më sot nuk është bërë konstituimi i Parlamenti të Kosovës edhe pas 25 përpjekjeve.
